Tayauda Qazaqstannıñ eks-prezidenti N.Nazarbaev Putin men Zelenskiy arasındağı mäselege ara ağayındıq tanıtıp, olardı astana törinde kezdestirmek oyın wsınğan bolatın. Degenmen, Normand törttigi kezdesuine deyin Zelenskiydiñ Putinmen jüzdespek nieti de, josparı da joq sıñaylı.

Ukrainanıñ Sırtqı ister ministri Vadim Pristayko austriyalıq äriptesimen ötken baspasöz maslihatı kezinde taraptardıñ resmi kezdesui wyımdastırılmaytının kesip ayttı. Pristayko sözinde: «Biz Putinmen ekijaqtı kezdesudi josparlap otırğan joqpız. Normand törttigi kezindegi resmi kezdesu üşin barlıq jağdaylar jasalğan. Qazir Ukraina Normand törttiginiñ üş qatısuşılarımen keñes bastadı. Taraptar Ukrainanıñ şığısındağı tüytkildi mäselelerge toqtalıp, Reseymen aradağı baylanıstı retteuge kömektesui tiis», – dedi. Bir jağınan, bwl jauaptıñ Qazaqstannıñ eks-prezidenti N.Nazarbaevqa qarata aytılğanı jaylı resmi mälimetter joq. Degenmen, taraptardıñ aldın ala kezdesu josparlamaytını mälim boldı.

Ukraina SİM basşısı Zelenskiy Normand törttigi köşbasşılarınıñ kezdesui barısında Putinmen kelissözder jürgizuge mümkindik aladı dep esepteydi. Sonımen qatar, Pristayko sammit barısında Ukraina prezidentiniñ Donbasstağı qaqtığıstardı şeşe alatınına senim bildirip otır.

3 qazanda Donbasstağı qaqtığıstı retteu jönindegi arnayı otırıstıñ nätijesi boyınşa Resey ökili Boris Grızlov barlıq qatısuşılar Ukraina zañnamasında bekitu üşin «Ştaynmayer formulası» boyınşa äreket etuge keliskenin habarlağan. Sonımen qatar, «Doneck jäne Lugansk oblıstarınıñ jekelegen audandarınıñ erekşe märtebesi turalı Zañdı qoldanısqa engizu tärtibi» talqılanğan.

"The Qazaq Times"