N'yu-York qalasında 1 mln 100 mıñ mektep oquşısı şeruge şıqtı. Foto: CBS New York

Älemniñ birqatar elinde klimattıñ özgeruine qarsı şara qoldanudı talap etken narazılıq şeruleri ötude. Şeruge köbinde mektep jasındağı jäne student jastar qatısuda. Australiya, Ündistan, Keniya, Tınıq mwhitı araldı elderinde de osınday narazılıqtar boldı. N'yu-York qalasındağı şeruge 1 mln 100 mıñ mektep oquşısı rwqsat alıp qatıstı.

Jer astı baylıqtarın qazudı toqtatu jäne klimattıñ jılınuına qarsı şaralar qoldanu talabın qoyğan akciyanı bıltır Greta Sanberg attı mektep oquşısı bastağan bolatın. Ol öz narazılığın bildiru üşin mektepten şığıp, narazılıq şarasın wyımdastırğan.

BWW Jer şarınıñ ortaşa temperaturası 1,5 S° köterilse ğalamdıq dağdarısqa aparıp soğatının eskertedi. Biılğı jaz älemde klimattıñ özgerisi anıq köringen, apattı jaz boldı. Birqatar elder klimat özgerisinen bolğan tabiği apattardan zardap şekti.

Ğalımdar klimattıñ özgerisinen auıl şaruaşılıq salası, fermerler köbirek ziyan tartatının aytadı. Oğan qarsı twru üşin twtas adamzattıñ özgeristerdi sezinip, oğan qarsı twruğa jwmıluı eñ bastı şart.

Ğılımi zertteulerdiñ nätijesine negizdelsek, eger klimattıñ jılınuı osı qarqınınan jazbasa, 2050 jılğa barğanda Jer betindegi halıq sanı tığız birneşe aymaqta adam ömir sürui mümkin bolmay qaladı. Aytalıq, Oñtüstik Şığıs jäne Oñtüstik Aziya, Orta Şığıs Ortalıq Afrika öñirleri. Ilğaldı aua klimatındağı bwl aymaqtar temperaturanıñ joğarlauınan ılğaldı ıstıq aua klimatına özgerip, adamnıñ tınıs aluın qiındata tüsedi. Nätijesinde milliondağan, tipti milliardtağan adamnıñ qauipti migraciyasına alıp keledi.

Batıs aqparat qwraldarınıñ habarına qarağanda, klimattıñ jılınuı Öli teñizde köbirek bayqaladı. Öli teñizdiñ suı jıl sayın azayıp, jağalaular qwrğap jatır. Elde auız su mölşeri de azayıp, key öñirde aptasına 24 sağat qana su berilude.

“The Qazaq Times”