Ükimet jinalısı. Foto: kapital.kz

Osı aptada QR Prem'er-Ministri Baqıtjan Sağıntaevtıñ törağalığımen 2016-2019 jıldarğa arnalğan «Densaulıq» densaulıq saqtaudı damıtu memlekettik bağdarlamasın iske asıru barısı, sonımen qatar birqatar äleumettik qamsızdandıru mäseleleri jönindegi normativti-qwqıqtıq qwjattar qaralatın QR Ükimetiniñ otırısı ötedi. Bwl turalı Ükimet basşısınıñ resmi saytında habarlandı. 

QR Prezidenti N. Nazarbaevtıñ «Qazaqstannıñ üşinşi jañğıruı: jahandıq bäsekege qabilettilik» attı Qazaqstan halqına joldauında berilgen tapsırmalardı orındau ayasında QR Prem'er-Ministri Baqıtjan Sağıntaev Jañğırtu jönindegi memlekettik komissiya otırısın ötkizedi.

QR Prezidentiniñ tapsırması boyınşa 16-17 naurızğa QR Prem'er-Ministriniñ Şığıs Qazaqstan oblısına jwmıs saparı josparlanğan. Jwmıs saparı barısında B. Sağıntaev öñirdiñ birqatar industriyaldı nısandarın aralaydı jäne Semey qalasındağı «Nazarbaev ziyatkerlik mektebi» bölimşesiniñ qızmetimen tanısadı. Baqıtjan Sağıntaev industriyaldı nısandardıñ qızmetkerlerimen jäne jastarmen kezdesedi dep kütilude.

Osı aptada QR Prem'er-Ministri Baqıtjan Sağıntaev «Telia Company» Prezidenti Y. Dennelindpen jäne «Tele2 AB» kompaniyalar tobınıñ prezidenti E. Kerkbaymen cifrlıq Qazaqstan bağdarlamasın talqılaudı közdeytin birqatar halıqaralıq kezdesulerdi josparlağan.

Osı aptada, QR Prem'er-Ministriniñ birinşi orınbasarı A. Mamin memlekettik baqılau jäne qadağalau qızmetterine tekseris jürgizu jönindegi jwmıs tobınıñ otırısın, sonımen qatar äuejaylardıñ qızmeti, şağın aviaciyanı damıtu, «ITP» arnayı ekonomikalıq aymağı mäseleleri jöninde keñester, jüye qwrauşı käsiporındarmen selektorlıq keñes jäne industrialdı aymaqtar mäseleleri boyınşa keñes ötkizedi.

Bwdan özge, Asqar Mamin EEK men TMD ekonomikalıq keñesiniñ otırısına qatısu üşin Mäskeu qalasına jwmıs saparımen baradı.

Prem'er-Ministrdiñ orınbasarı – QR auıl şaruaşılığı ministri A. Mırzahmetov AÖK damıtu memlekettik bağdarlamasın iske asıru mäseleleri jöninde keñes ötkizedi. Osı aptada A. Mırzahmetov agrarlıq sayasat jöninde keñes otırısın ötkizedi.

“The Qazaq Times”