وسى اپتادا قر پرەمەر-ءمينيسترى باقىتجان ساعىنتاەۆتىڭ توراعالىعىمەن 2016-2019 جىلدارعا ارنالعان «دەنساۋلىق» دەنساۋلىق ساقتاۋدى دامىتۋ مەملەكەتتىك باعدارلاماسىن ىسكە اسىرۋ بارىسى، سونىمەن قاتار بىرقاتار الەۋمەتتىك قامسىزداندىرۋ ماسەلەلەرى جونىندەگى ءنورماتيۆتى-قۇقىقتىق قۇجاتتار قارالاتىن قر ۇكىمەتىنىڭ وتىرىسى وتەدى. بۇل تۋرالى ۇكىمەت باسشىسىنىڭ رەسمي سايتىندا حابارلاندى. 

قر پرەزيدەنتى ن. نازارباەۆتىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى قازاقستان حالقىنا جولداۋىندا بەرىلگەن تاپسىرمالاردى ورىنداۋ اياسىندا قر پرەمەر-ءمينيسترى باقىتجان ساعىنتاەۆ جاڭعىرتۋ جونىندەگى مەملەكەتتىك كوميسسيا وتىرىسىن وتكىزەدى.

قر پرەزيدەنتىنىڭ تاپسىرماسى بويىنشا 16-17 ناۋرىزعا قر پرەمەر-ءمينيسترىنىڭ شىعىس قازاقستان وبلىسىنا جۇمىس ساپارى جوسپارلانعان. جۇمىس ساپارى بارىسىندا ب. ساعىنتاەۆ ءوڭىردىڭ بىرقاتار يندۋستريالدى نىساندارىن ارالايدى جانە سەمەي قالاسىنداعى «نازارباەۆ زياتكەرلىك مەكتەبى» بولىمشەسىنىڭ قىزمەتىمەن تانىسادى. باقىتجان ساعىنتاەۆ يندۋستريالدى نىسانداردىڭ قىزمەتكەرلەرىمەن جانە جاستارمەن كەزدەسەدى دەپ كۇتىلۋدە.

وسى اپتادا قر پرەمەر-ءمينيسترى باقىتجان ساعىنتاەۆ «Telia Company» پرەزيدەنتى ي. دەننەليندپەن جانە «Tele2 AB» كومپانيالار توبىنىڭ پرەزيدەنتى ە. كيوركبايمەن تسيفرلىق قازاقستان باعدارلاماسىن تالقىلاۋدى كوزدەيتىن بىرقاتار حالىقارالىق كەزدەسۋلەردى جوسپارلاعان.

وسى اپتادا، قر پرەمەر-ءمينيسترىنىڭ ءبىرىنشى ورىنباسارى ا. مامين مەملەكەتتىك باقىلاۋ جانە قاداعالاۋ قىزمەتتەرىنە تەكسەرىس جۇرگىزۋ جونىندەگى جۇمىس توبىنىڭ وتىرىسىن، سونىمەن قاتار اۋەجايلاردىڭ قىزمەتى، شاعىن اۆياتسيانى دامىتۋ، «يتپ» ارنايى ەكونوميكالىق ايماعى ماسەلەلەرى جونىندە كەڭەستەر، جۇيە قۇراۋشى كاسىپورىندارمەن سەلەكتورلىق كەڭەس جانە يندۋستريالدى ايماقتار ماسەلەلەرى بويىنشا كەڭەس وتكىزەدى.

بۇدان وزگە، اسقار مامين ەەك مەن تمد ەكونوميكالىق كەڭەسىنىڭ وتىرىسىنا قاتىسۋ ءۇشىن ماسكەۋ قالاسىنا جۇمىس ساپارىمەن بارادى.

پرەمەر-ءمينيستردىڭ ورىنباسارى – قر اۋىل شارۋاشىلىعى ءمينيسترى ا. مىرزاحمەتوۆ اوك دامىتۋ مەملەكەتتىك باعدارلاماسىن ىسكە اسىرۋ ماسەلەلەرى جونىندە كەڭەس وتكىزەدى. وسى اپتادا ا. مىرزاحمەتوۆ اگرارلىق ساياسات جونىندە كەڭەس وتىرىسىن وتكىزەدى.

“The Qazaq Times”