Foto: https://torange.biz

Resey anneksiyalağan Qırım aumağında Ukraina tuı köterildi, – dep habarlaydı «Ukrainform».

Mälimetter boyınşa, Sudak qalasındağı belsendiler 6 tamızda Donbassta qaza tapqan sarbazdar qwrmetine arnayı jiın ötkizip, el tuın kötergen.

Osığan deyin ukrainalıq «Birlesken küşter operaciyası» Donbassta qaqtığıs saldarınan tört sarbazdıñ qaza bolğanın jariyalağan edi. Bwl jağdaydan keyin Ukraina prezidenti Vladimir Zelenskiy Resey basşısı Vladimir Putinge qoñırau şalıp, «arandatuşılıq äreketter men jazıqsız jandardıñ qwrban boluına jol bermeu kerektigin» eskertken bolatın. Sonımen qatar, taraptar Donbassta bwrındarı orın alğan qaqtığıstar jöninde söylesken. Keyinnen Zelenskiy atalğan oqiğanı Franciya prezidenti Emmanuel' Makronmen de talqıladı.

Resey 2014 jılı naurızda Qırımdı anneksiyalağan. Mäskeudiñ bwl äreketine Ukraina, AQŞ jäne Europalıq odaq qwramındağı memleketter qarsılıq bildirip, Reseydi «agressiyalıq sayasat wstanatın memleket» dep atağan. Äli künge deyin AQŞ, EO, Türkiya, Ukraina Qırımdı Resey jeri retinde moyındamaydı.

"The Qazaq Times"