Reseydiñ Türkiyağa satıp beretin zımıran qorğanıs jüyesi kelisim uaqıtınan keşiktirilmeydi. Bwnday mälimdemeni keşe Kreml'diñ baspasöz ökili Dmitriy Peskov elimizdiñ astanasında mälimdegen.

Kreml' ökilinen jurnalister Resey men Türkiya arasındağı S-400 äue qorğanıs jüyesin satu jäne satıp alu isi turalı swrağanda, Peskov atalğan qorğanıs tehnikasınıñ Türkiyağa uaqıtında jetkiziletinin aytqan. «Kelisimdegi uaqıttan keşiktirilmeydi, tipti merziminen bwrın jetkizilui de mümkin», – degen ol sözinde.

Türkiyanıñ reseylik qorğanıs jüyesin satıp aluı onıñ NATO-dağı keybir odaqtastarına «wnamaydı». Aytalıq, AQŞ tarabı Türkiyanıñ bwl qadamı odaqtıñ äue qorğanıs jüyesine keri äserin tigizedi dep qaraydı. Alayda, äue qorğanısın qamtamasız etpegen odaqtastarına «ökpeli» Türkiya reseylik qarudı satıp alu şeşimin özgertken joq.

Atalğan qorğanıs qaruınıñ Türkiyada ornatıluı AQŞ-tıñ öñirdegi äue qorğanıs tehnikalarına äser etui mümkin degen boljamdar bar. Äsirese, Qwrama Ştattar bas bolıp öndiretin F-35 wşaqtarı üşin jaña sınaq bolmaq. Sonımen birge, bwl Türkiya men AQŞ qatınasınıñ salqındauına da sebep boluı bek mümkin.

“The Qazaq Times”