Foto: atomic-energy.ru

Iran Qazaqstanğa 950 tonna uran koncentratın satıp aluğa wsınıs tastadı dep habarlaydı France Press agenttigi  Irannıñ atomdıq energiya qızmetininiñ basşısı  Ali Akbar Saleyhi mırzağa silteme jasay otırıp. Şeneuniktiñ aytuınşa, Iran men älemdik derjavalardıñ 2015 jılı bekitken  «yadrolıq kelisimşarttınıñ» negizinde arnayı halıqaralıq komissiyağa wsınıs jiberilgen.

Irannıñ atomdıq energiya qızmetiniñ basşısı: «Urannıñ körsetilgen qorı aldağı üş jılda tolıqtay Iranğa jetkizilui qajet,  eki jılda 650 tonna kölemdik böligin eki  bölip  jetkizse, qalğan 300 tonnası üşinşi jılı  kelui tiis» - dep, mälimdeme jasadı.

Üşinşi jılı äkelinetin urannıñ yellow cake koncentratı 3,5 payızğa deyin bayıtılıp, keyin Qazaqstanğa satılımğa jiberiletin boladı. Tegeranğa yadrolıq otındı öñdeu jwmıstarına reseylik mamandar kömektespek.

Iran urannıñ qorın «yadrolıq kelisimşartqa» säykes öndiristik yadrolıq centrifugalıq stanciyalarda qoldanumen qatar, kommerciyalıq maqsatta da bayıtuğa qwqılı. Halıqaralıq qatañ baqılaumen älem elderine satuğa mümkindikteri bar.

Äl-Saleyhi 2016 jıldıñ qañtarınan bastap Reseyden 382 tonna yellow cake koncentrattı uran qorın alğandığın jetkizdi.

Irannıñ uran qorın aluı turalı kelisimşartı basqa altı eldiñ komissiyasınıñ qarauında. Bwl elder Iranmen «yadrolıq kelisimşartqa» otırğan – AQŞ, Wlıbritaniya, Franciya, Resey, Qıtay jäne Germaniya memleketteri. Iran barlığı IR-1 sanatındağı bes mıñ centrifuganı iske qosuğa qwqılı. Qazir bayıtılğan urannıñ ülken qorın alu üşin köptegen jañartılğan model'deri qarastırıluda.

Ayta ketsek, atom qaruın jasau üşin urandı 80 payızğa deyin bayıtu qajet eken.

“The Qazaq Times”