فوتو: atomic-energy.ru

يران قازاقستانعا 950 توننا ۋران كونتسەنتراتىن ساتىپ الۋعا ۇسىنىس تاستادى دەپ حابارلايدى France Press اگەنتتىگى  يراننىڭ اتومدىق ەنەرگيا قىزمەتىنىنىڭ باسشىسى  الي اكبار سالەيحي مىرزاعا سىلتەمە جاساي وتىرىپ. شەنەۋنىكتىڭ ايتۋىنشا، يران مەن الەمدىك دەرجاۆالاردىڭ 2015 جىلى بەكىتكەن  «يادرولىق كەلىسىمشارتتىنىڭ» نەگىزىندە ارنايى حالىقارالىق كوميسسياعا ۇسىنىس جىبەرىلگەن.

يراننىڭ اتومدىق ەنەرگيا قىزمەتىنىڭ باسشىسى: «ۋراننىڭ كورسەتىلگەن قورى الداعى ءۇش جىلدا تولىقتاي يرانعا جەتكىزىلۋى قاجەت،  ەكى جىلدا 650 توننا كولەمدىك بولىگىن ەكى  ءبولىپ  جەتكىزسە، قالعان 300 تونناسى ءۇشىنشى جىلى  كەلۋى ءتيىس» - دەپ، مالىمدەمە جاسادى.

ءۇشىنشى جىلى اكەلىنەتىن ۋراننىڭ yellow cake كونتسەنتراتى 3,5 پايىزعا دەيىن بايىتىلىپ، كەيىن قازاقستانعا ساتىلىمعا جىبەرىلەتىن بولادى. تەگەرانعا يادرولىق وتىندى وڭدەۋ جۇمىستارىنا رەسەيلىك ماماندار كومەكتەسپەك.

يران ۋراننىڭ قورىن «يادرولىق كەلىسىمشارتقا» سايكەس وندىرىستىك يادرولىق تسەنتريفۋگالىق ستانتسيالاردا قولدانۋمەن قاتار، كوممەرتسيالىق ماقساتتا دا بايىتۋعا قۇقىلى. حالىقارالىق قاتاڭ باقىلاۋمەن الەم ەلدەرىنە ساتۋعا مۇمكىندىكتەرى بار.

ءال-سالەيحي 2016 جىلدىڭ قاڭتارىنان باستاپ رەسەيدەن 382 توننا yellow cake كونتسەنتراتتى ۋران قورىن العاندىعىن جەتكىزدى.

يراننىڭ ۋران قورىن الۋى تۋرالى كەلىسىمشارتى باسقا التى ەلدىڭ كوميسسياسىنىڭ قاراۋىندا. بۇل ەلدەر يرانمەن «يادرولىق كەلىسىمشارتقا» وتىرعان – اقش, ۇلىبريتانيا، فرانتسيا، رەسەي، قىتاي جانە گەرمانيا مەملەكەتتەرى. يران بارلىعى IR-1 ساناتىنداعى بەس مىڭ تسەنتريفۋگانى ىسكە قوسۋعا قۇقىلى. قازىر بايىتىلعان ۋراننىڭ ۇلكەن قورىن الۋ ءۇشىن كوپتەگەن جاڭارتىلعان مودەلدەرى قاراستىرىلۋدا.

ايتا كەتسەك، اتوم قارۋىن جاساۋ ءۇشىن ۋراندى 80 پايىزعا دەيىن بايىتۋ قاجەت ەكەن.

“The Qazaq Times”