"QazMwnayGaz" (QMG) kompaniyası Qalamqas kenişinde 25 naurızda şıqqan örtti söndiru äzirge mümkin bolmay otır. Kompaniyanıñ habarlauınşa, bwğan ört oşağına barar joldıñ bolmauı sebep. Bwl turalı Ortalıq Aziya jañalıqtar qızmeti jazdı.

"QazMwnayGaz" taratqan mälimdemede "örtti söndiruge Mañğıstau oblıstıq tötenşe jağdaylar departamenti men eki ört söndiru kompaniyasınıñ 53 qızmetkeri men 12 tehnikası jwmıldırılğan. Biraq ört oşağına tikeley kiretin joldar bolmağandıqtan, jalındı auızdıqtau äzirge mümkin bolmay twr" delingen.

Kompaniya dereginşe, "№8237 wñğımasınan 16 naurızdan beri atqılağan gaz-su qospası 25 naurızda sağat 5.46-da örtene bastağan".

Bwğan deyin Mañğıstau oblısındağı "Qalamqas" kenişindegi wñğımalardıñ birinde apat bolıp, sırtqa gaz-su qospası şıqtı degen aqparat tarağan. Oqiğanıñ 13 naurızda bolğanın habarlağan jergilikti ekologiya departamenti jağdaydıñ jay-japsarı men qorşağan ortağa äserin anıqtaymız dep mälimdegen.

"Qalamqas" kenişin barlaumen - "Mañğıstaumwnaygaz" kompaniyası, bwrğılaumen "Si Bu" injenerlik bwrğılau kompaniyası aynalısadı.

24 naurızda Qazaqstannıñ industriya jäne infraqwrılımdıq damu ministrligi "Qalamqas" kenişinde bolğan apat sebepteri zerttelip jatqanın habarlağan.

“The Qazaq Times”