"قازمۇنايگاز" (قمگ) كومپانياسى قالامقاس كەنىشىندە 25 ناۋرىزدا شىققان ءورتتى ءسوندىرۋ ازىرگە مۇمكىن بولماي وتىر. كومپانيانىڭ حابارلاۋىنشا، بۇعان ءورت وشاعىنا بارار جولدىڭ بولماۋى سەبەپ. بۇل تۋرالى ورتالىق ازيا جاڭالىقتار قىزمەتى جازدى.
"قازمۇنايگاز" تاراتقان مالىمدەمەدە ء"ورتتى سوندىرۋگە ماڭعىستاۋ وبلىستىق توتەنشە جاعدايلار دەپارتامەنتى مەن ەكى ءورت ءسوندىرۋ كومپانياسىنىڭ 53 قىزمەتكەرى مەن 12 تەحنيكاسى جۇمىلدىرىلعان. بىراق ءورت وشاعىنا تىكەلەي كىرەتىن جولدار بولماعاندىقتان، جالىندى اۋىزدىقتاۋ ازىرگە مۇمكىن بولماي تۇر" دەلىنگەن.
كومپانيا دەرەگىنشە، "№8237 ۇڭعىماسىنان 16 ناۋرىزدان بەرى اتقىلاعان گاز-سۋ قوسپاسى 25 ناۋرىزدا ساعات 5.46-دا ورتەنە باستاعان".
بۇعان دەيىن ماڭعىستاۋ وبلىسىنداعى "قالامقاس" كەنىشىندەگى ۇڭعىمالاردىڭ بىرىندە اپات بولىپ، سىرتقا گاز-سۋ قوسپاسى شىقتى دەگەن اقپارات تاراعان. وقيعانىڭ 13 ناۋرىزدا بولعانىن حابارلاعان جەرگىلىكتى ەكولوگيا دەپارتامەنتى جاعدايدىڭ جاي-جاپسارى مەن قورشاعان ورتاعا اسەرىن انىقتايمىز دەپ مالىمدەگەن.
"قالامقاس" كەنىشىن بارلاۋمەن - "ماڭعىستاۋمۇنايگاز" كومپانياسى، بۇرعىلاۋمەن "Si Bu" ينجەنەرلىك بۇرعىلاۋ كومپانياسى اينالىسادى.
24 ناۋرىزدا قازاقستاننىڭ يندۋستريا جانە ينفراقۇرىلىمدىق دامۋ مينيسترلىگى "قالامقاس" كەنىشىندە بولعان اپات سەبەپتەرى زەرتتەلىپ جاتقانىن حابارلاعان.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟