Foto: nightcitylights.

Bügin QR jaña prezidenti Qasım-Jomart Toqaev ant qabıldau räsiminde astananıñ atauın "Nwrswltan" dep özgertudi wsındı.

"Biz Qazaqstan Respublikasınıñ Twñğış prezidenti Nwrswltan Äbişwlı Nazarbaevtıñ esimin mäñgilik etuimiz kerek. Osı maqsatta elordamızdıñ atauın Twñğış prezidentimizdiñ atımen ataudı wsınamın. Bwl bwğan deyin wsınılğan edi. Atap aytsaq, QR Täuelsizdiginiñ 25 jıldığına oray 2016 jılı 23 qaraşada qabıldanğan deklaraciyada Parlament deputattarı aytqan edi", - dedi Qasım-Jomart Toqaev.

Sonday-aq, Toqaev respublikadağı qalalardıñ ortalıq köşeleriniñ atauın da Nwrswltan Nazarbaevtıñ atına berudi wsındı. Sonımen birge, ğimarattar men kabinetterdegi QR Twñğış prezidentiniñ portretteri alınbaytının atap ötti.

Ayta keteyik, bügin QR Parlamenti palatalarınıñ birlesken otırısında QR Prezidenti Qasım-Jomart Toqaev ant qabıldadı. Al, keşe 19 naurız 2019 jılı tikeley efir arqılı joldau jasağan QR prezidenti N. Nazarbaev öz ökilettiligin toqtatatını turalı şeşimin jariya etken edi. N. Nazarbaev sözinde Qazaqstan Respublikasınıñ prezidenti mindetin atqarğan uaqıttağı qadau-qadau tarihi belester turalı toqtala kelip, eñ joğarı lauazımdı qızmettegi kezinde halqınıñ özine senim artqanına alğısın bildirdi.

"The Qazaq Times"