Tramptıñ «sınınan» keyin NYT gazettiñ taralımı köbeydi

The New York Times (NYT) gazetiniñ taralımı AQŞ prezidenti Donald Tramptıñ basılımğa aytqan sınınan keyin  arttı. Bwl turalı NYT gazetiniñ bas redaktorı Din Bakettiñ sözine silteme jasap CNN agenttigi habarlaydı.

«Tramptıñ ärbir tvitinen keyin bizdiñ gazetimizdiñ taralamı arta tüsude. Qanday da bir kelispeuşilikterge qaramastan, bizdiñ basılımnıñ endigi missiyası bwrınğıdan ayqındala tüsti. Soñğı birneşe ayda bolğan oqiğalar jañalıqtar bölimi üşin asa mañızdı. Endigi redakciya bilik pen memleketti basqarudı tolıqtay jazatın boladı», – deydi Baket.

Osınıñ aldında Tramp öziniñ Twitter paraqşasında The New York Times basılımın ötirik jazadı dep sınağan bolatın: «The New York Times men turalı  2 jıldan beri jalğan aqparat berip keledi. Endi tağı da bir äñgimeler men  derekközder oylap tauıp jatır».

Prezident osılayşa The New York Times gazetinde jariyalanğan Tramptıñ bir küni sipattalğan materialğa jauap qattı. Aq üydiñ baspasöz hatşısı Şon Spayser atalmış mätinniñ «tolığımen şındıqqa säykes kelmeytindigi» jaylı aytqan. Sonday-aq, Spayser basılımdı resmi türde prezidentten keşirim swrauğa şaqırğan.

«The Qazaq Times»