The New York Times (NYT) گازەتىنىڭ تارالىمى اقش پرەزيدەنتى دونالد ترامپتىڭ باسىلىمعا ايتقان سىنىنان كەيىن ارتتى. بۇل تۋرالى NYT گازەتىنىڭ باس رەداكتورى دين باكەتتىڭ سوزىنە سىلتەمە جاساپ CNN اگەنتتىگى حابارلايدى.
«ترامپتىڭ ءاربىر تۆيتىنەن كەيىن ءبىزدىڭ گازەتىمىزدىڭ تارالامى ارتا تۇسۋدە. قانداي دا ءبىر كەلىسپەۋشىلىكتەرگە قاراماستان، ءبىزدىڭ باسىلىمنىڭ ەندىگى ميسسياسى بۇرىنعىدان ايقىندالا ءتۇستى. سوڭعى بىرنەشە ايدا بولعان وقيعالار جاڭالىقتار ءبولىمى ءۇشىن اسا ماڭىزدى. ەندىگى رەداكتسيا بيلىك پەن مەملەكەتتى باسقارۋدى تولىقتاي جازاتىن بولادى»، – دەيدى باكەت.
وسىنىڭ الدىندا ترامپ ءوزىنىڭ Twitter پاراقشاسىندا The New York Times باسىلىمىن وتىرىك جازادى دەپ سىناعان بولاتىن: «The New York Times مەن تۋرالى 2 جىلدان بەرى جالعان اقپارات بەرىپ كەلەدى. ەندى تاعى دا ءبىر اڭگىمەلەر مەن دەرەككوزدەر ويلاپ تاۋىپ جاتىر».
پرەزيدەنت وسىلايشا The New York Times گازەتىندە جاريالانعان ترامپتىڭ ءبىر كۇنى سيپاتتالعان ماتەريالعا جاۋاپ قاتتى. اق ءۇيدىڭ ءباسپاسوز حاتشىسى شون سپايسەر اتالمىش ءماتىننىڭ «تولىعىمەن شىندىققا سايكەس كەلمەيتىندىگى» جايلى ايتقان. سونداي-اق، سپايسەر باسىلىمدى رەسمي تۇردە پرەزيدەنتتەن كەشىرىم سۇراۋعا شاقىرعان.
«The Qazaq Times»
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
رەسەيدىڭ دونەتسك وبلىسى كونستانتينوۆكا قالاسىنداعى بازارعا شابۋىلىنان 16 ادام قازا تاپتى
سادىر جاپاروۆ ىستىقكولدەگى ءتورت پانسيوناتتى وزبەكستانعا بەرۋ سەبەبىن ءتۇسىندىردى
پيگوجيننىڭ «ۆاگنەر» توبى ماسكەۋ تۇبىنە كەلىپ شەگىنىپ كەتتى