AQŞ-tıñ ballistiklaıq zımıranı. Foto: elintelecto.com.

Amerika Qwrama Ştattarı qarulı küşteri orta qaşıqtıqta wşatın eki birdey zımıran sınağın ötkizetinin habarladı. Bwl «AQŞ-tıñ Orta jäne jaqın qaşıqtıqtağı zımıranğa tiım salu kelisiminen» şıqqannan keyin alğa ret ötkizetin zımıran sınağı bolmaq.

Esteriñizde bolsa, osıdan bwrın AQŞ prezidenti Donal'd Tramp AQŞ pen Keñes odağı arasında 1987 jılı jasalıp, keyin Resey Federaciyasımen jalğastırılğan «Orta jäne jaqın qaşıqtıqtağı zımırandardı şekteu kelisiminen» bas tartqanın mälimdegen bolatın. Äri, Reseydi onsız da kelisimdi saqtap otırğan joq dep sınğa alğan bolatın.

Mälimetterge qarağanda, sınaq jasalatın zımırandardıñ biri 1000 şaqırımğa jäne tömen keñistikte wşuğa qabletti kruizdik zımıran bolsa, ekinşisi 3-4 mıñ şaqırımğa deyin wşuğa qabletti ballistikalıq zımıran.

Qwrama Ştattar sınaqtan ötkizbek bolğan zımırandardıñ ekeui de yadrolıq oq twmsıqtı tasımaldauğa qabiletti ekeni aytılğan. Alğaşqısı tamız ayında sınaqtan ötkizilip, arı qaray 18 ay işinde qarulı küşterdiñ paydalanuına dayın bolmaq. Ekinşisi qaraşa ayında sınaqtan ötkizilip, bes jıl işinde öndirip boladı.

AQŞ bwl zımıran sınaqtarı üşin Aziya-Tınıq mwhit jäne Europalıq odaqtastarımen kelissöz jürgizbegen. YAğni, Australiya, Japoniya, Oñtüstik Koreya, NATO odaqtastarı qatarlı mañızdı strategiyalıq odaqtas elderiniñ kelisuinsiz şeşim qabıldap ülgergen.

Sınaqtıñ Tınıq mwhitındağı mañızdı äskeri bazası Guam aralında jasalatının eskersek, bwl AQŞ-tıñ Resey, Qıtay jäne Soltüstik Koreya sındı qauipti strategiyalıq qarsılastarına eskertu dep bağalauğa da boladı.

“The Qazaq Times”