اقش قاۋىپتى زىمىران سىناعىنا دايىندالۋدا

امەريكا قۇراما شتاتتارى قارۋلى كۇشتەرى ورتا قاشىقتىقتا ۇشاتىن ەكى بىردەي زىمىران سىناعىن وتكىزەتىنىن حابارلادى. بۇل «اقش-تىڭ ورتا جانە جاقىن قاشىقتىقتاعى زىمىرانعا تيىم سالۋ كەلىسىمىنەن» شىققاننان كەيىن العا رەت وتكىزەتىن زىمىران سىناعى بولماق.

ەستەرىڭىزدە بولسا، وسىدان بۇرىن اقش پرەزيدەنتى دونالد ترامپ اقش پەن كەڭەس وداعى اراسىندا 1987 جىلى جاسالىپ، كەيىن رەسەي فەدەراتسياسىمەن جالعاستىرىلعان «ورتا جانە جاقىن قاشىقتىقتاعى زىمىرانداردى شەكتەۋ كەلىسىمىنەن» باس تارتقانىن مالىمدەگەن بولاتىن. ءارى، رەسەيدى ونسىز دا كەلىسىمدى ساقتاپ وتىرعان جوق دەپ سىنعا العان بولاتىن.

مالىمەتتەرگە قاراعاندا، سىناق جاسالاتىن زىمىرانداردىڭ ءبىرى 1000 شاقىرىمعا جانە تومەن كەڭىستىكتە ۇشۋعا قابلەتتى كرۋيزدىك زىمىران بولسا، ەكىنشىسى 3-4 مىڭ شاقىرىمعا دەيىن ۇشۋعا قابلەتتى بالليستيكالىق زىمىران.

قۇراما شتاتتار سىناقتان وتكىزبەك بولعان زىمىرانداردىڭ ەكەۋى دە يادرولىق وق تۇمسىقتى تاسىمالداۋعا قابىلەتتى ەكەنى ايتىلعان. العاشقىسى تامىز ايىندا سىناقتان وتكىزىلىپ، ارى قاراي 18 اي ىشىندە قارۋلى كۇشتەردىڭ پايدالانۋىنا دايىن بولماق. ەكىنشىسى قاراشا ايىندا سىناقتان وتكىزىلىپ، بەس جىل ىشىندە ءوندىرىپ بولادى.

اقش بۇل زىمىران سىناقتارى ءۇشىن ازيا-تىنىق مۇحيت جانە ەۋروپالىق وداقتاستارىمەن كەلىسسوز جۇرگىزبەگەن. ياعني، اۋستراليا، جاپونيا، وڭتۇستىك كورەيا، ناتو وداقتاستارى قاتارلى ماڭىزدى ستراتەگيالىق وداقتاس ەلدەرىنىڭ كەلىسۋىنسىز شەشىم قابىلداپ ۇلگەرگەن.

سىناقتىڭ تىنىق مۇحيتىنداعى ماڭىزدى اسكەري بازاسى گۋام ارالىندا جاسالاتىنىن ەسكەرسەك، بۇل اقش-تىڭ رەسەي، قىتاي جانە سولتۇستىك كورەيا سىندى قاۋىپتى ستراتەگيالىق قارسىلاستارىنا ەسكەرتۋ دەپ باعالاۋعا دا بولادى.

“The Qazaq Times”