Foto: ytimg.com

Ortalıq barlau basqarmasınıñ bwrınğı qızmetkeri Sergey Skripal' men onıñ qızı YUliya Skripal'diñ Solsberidegi ulanğanı turalı iste jaña küdiktiler payda boldı.

«Daily Telegraph» Reseyden Britaniyağa «Skripal'derdi ulau maqsatında» wşıp barğan üşinşi er adam turalı habarladı. Aleksandr Petrov pen Ruslan Boşirovtan bölek, «jaña» küdiktiler ötken jıldıñ naurızında turist retinde britandıq vizanı alıp, Britaniyağa barğan.

Mälimetter boyınşa, policiya qızmetkerleri reseylik Sergey Fedotov turalı köp aqparat jinap, onı resmi emes üşinşi küdikti dep atadı. Al «Times» basılımı Sergey Fedotov Resey biligi «Ukrainağa qaru jetkizdi» dep ayıptağan Emel'yan Gebrevti ulauğa qatısqan deydi.

Bıltır 4 naurızda Resey Federaciyası Barlau qızmetiniñ bwrınğı qızmetkeri Sergey Skripal' men qızı YUliya Skripal' «Noviçok» jüyke-sal auruın tudıruşı zattegi arqılı ulanğan bolatın. Asa qauipti himiyalıq qarudıñ Reseyde jasalınğanı anıqtalıp, AQŞ pen Wlıbritaniya bwl iste tikeley Reseydi ayıptadı. Atalğan oqiğadan soñ 30 mausımda Wlıbritaniyanıñ Eymsberi qalasındağı üyde erli-zayıptı Çarli Rouli men Don Sterdjess te däl osı zattekpen ulanğanı belgili boldı.

Ayta keteyik, London Skripal'ge şabuıldı Kreml' jasadı dep esepteydi, öytkeni olarğa qoldanılğan «Noviçok» uı KSRO-da jasalğan. Biraq, Mäskeu bwl ayıptaudı joqqa şığarıp otır.

"The Qazaq Times"