ورتالىق بارلاۋ باسقارماسىنىڭ بۇرىنعى قىزمەتكەرى سەرگەي سكريپال مەن ونىڭ قىزى يۋليا سكريپالدىڭ سولسبەريدەگى ۋلانعانى تۋرالى ىستە جاڭا كۇدىكتىلەر پايدا بولدى.
«Daily Telegraph» رەسەيدەن بريتانياعا «سكريپالدەردى ۋلاۋ ماقساتىندا» ۇشىپ بارعان ءۇشىنشى ەر ادام تۋرالى حابارلادى. الەكساندر پەتروۆ پەن رۋسلان بوشيروۆتان بولەك، «جاڭا» كۇدىكتىلەر وتكەن جىلدىڭ ناۋرىزىندا تۋريست رەتىندە بريتاندىق ۆيزانى الىپ، بريتانياعا بارعان.
مالىمەتتەر بويىنشا، پوليتسيا قىزمەتكەرلەرى رەسەيلىك سەرگەي فەدوتوۆ تۋرالى كوپ اقپارات جيناپ، ونى رەسمي ەمەس ءۇشىنشى كۇدىكتى دەپ اتادى. ال «Times» باسىلىمى سەرگەي فەدوتوۆ رەسەي بيلىگى «ۋكرايناعا قارۋ جەتكىزدى» دەپ ايىپتاعان ەمەليان گەبرەۆتى ۋلاۋعا قاتىسقان دەيدى.
بىلتىر 4 ناۋرىزدا رەسەي فەدەراتسياسى بارلاۋ قىزمەتىنىڭ بۇرىنعى قىزمەتكەرى سەرگەي سكريپال مەن قىزى يۋليا سكريپال «نوۆيچوك» جۇيكە-سال اۋرۋىن تۋدىرۋشى زاتتەگى ارقىلى ۋلانعان بولاتىن. اسا قاۋىپتى حيميالىق قارۋدىڭ رەسەيدە جاسالىنعانى انىقتالىپ، اقش پەن ۇلىبريتانيا بۇل ىستە تىكەلەي رەسەيدى ايىپتادى. اتالعان وقيعادان سوڭ 30 ماۋسىمدا ۇلىبريتانيانىڭ ەيمسبەري قالاسىنداعى ۇيدە ەرلى-زايىپتى چارلي روۋلي مەن دون ستەردجەسس تە ءدال وسى زاتتەكپەن ۋلانعانى بەلگىلى بولدى.
ايتا كەتەيىك، لوندون سكريپالگە شابۋىلدى كرەمل جاسادى دەپ ەسەپتەيدى، ويتكەنى ولارعا قولدانىلعان «نوۆيچوك» ۋى كسرو-دا جاسالعان. بىراق، ماسكەۋ بۇل ايىپتاۋدى جوققا شىعارىپ وتىر.
يرانداعى قانتوگىس پەن سىرتقى قىسىم: ترامپتىڭ ەكىۇشتى سيگنالى
كونستيتۋتسيا تاعى وزگەرمەك: رەفورما ما، الدە بيلىكتى قايتا قۇراستىرۋ ما؟
اقش «تاساداعى فلوتقا» توسقاۋىل قويدى: Olina تانكەرى جانە تەڭىزدەگى جاڭا سانكتسيالىق سوعىس
اتىراۋداعى جۇمباق جوعالۋ مەن ادام ءولىمى: ءىز-ءتۇزسىز ارتىلعان وتباسى، پوليتسيا تەرگەۋى جانە قوعام رەاكتسياسى
ايزات جۇمانوۆانىڭ ءولىمى: بۇگىن ۇكىم وقىلدى، ايىپتالۋشى 14 جىلعا سوتتالدى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى