Sudandağı demonstraciya küşpen basıldı. Foto: TRANA.

Sudan biligi qoğam belsendileri men jurnalister jappay twtqındauda. Atalmış twtqındau bwyrığın Memlekettik qauipsizdik prokuraturası dep atalatın qwzırlı orın şığarğan.

Sol eldegi ükimettik emes tele arnalardıñ taratqan habarına qarağanda, prokuratura 38 jurnalist pen qoğam belsendilerine provokaciya jasau, jalpı tınıştıqtı bwzu, bilik ökilderin qaralau, eldi köterilis jasauğa nasihattau, jalğan habar taratu jäne beybitşilikti bwzu ayıptarın taqqan.

Prokuratura tarabınıñ resmi mälimdemesinde, bwl ayıpqa tartılğan adamdardıñ 28-i şetelde twradı.

Eldegi zat bağasınıñ ösuine baylanıstı Atbera men Port-Sudan qalalarında jappay narazılıq jalğasıp jatqanına bir aydan astı. Bwl Sudannıñ köptegen provinciyasındağı bilikke qarsı narazılıq akciyalarına wlastı.

El biligi narazılıq şeruleriniñ artında sırtqı küşter twrğanın aytadı. Sonday-aq, narazılıq akciyasınıñ belsendileri men aqparat qwraldarınıñ ökilderin jappay twtqındaudı bastap otır.

“The Qazaq Times”