Sudan and Israel flags together textile cloth, fabric texture

Seysenbide Izrail' men Sudan beybit kelisimge qol jetkizuge jaqın ekenin mälimdedi. Ötken aptada Izrail' Birikken Arab Ämirlikterimen tarihi kelisimge qol qoyğan bolatın.

Associated Press Sudan ükimeti Izrail'men beybit kelisim jasauğa dayın dep habarladı. "Sudan men Izrail' arasındağı soğıs jalğastıruğa eşqanday sebep qalğan joq" – delingen Arab Sky News habarında. Sudan Sırtqı ister departamentiniñ ökili Sadik mälimdemesinde eki el arasındağı kelisimdi rastadı.

Izrail' premer-ministri Ben'yamin Netan'yahu Twitter-de kelisimge kelu üşin barlıq qadamğa dayın ekenin bildirgen. Ol sonday-aq, Izrail' men Sudan jäne öñirdegi özge elderdiñ beybit kelisimge kelui aymaq halqı men memleketteriniñ beybit bolaşağınıñ kepili ekenin atap ötken.

Aqpanda Izrail' prem'eri Sudannıñ egemendigi jönindegi keñestiñ basşısı Abdel' Fattah äl-Burhanmen eki sağattıq kezdesu ötkizdi, kezdesu barısında taraptar eki el arasındağı qatınastardı qalıpqa keltiru jöninde kelissözderge jol aşqan.

Izrail' Mısır men Iordaniyadan keyin ötken aptada ğana arab elderi arasında üşinşi el retinde Birikken Arab Ämirligimen beybitşilik kelisimin jasastı. Bwl Izrail'diñ soñğı 26 jılda alğaş ret arab memleketimen beybitşilik kelisimine kelui.

Jeksenbide Izrail'diñ barlau qızmetiniñ jetekşisi  BAÄ-nen keyin Bahreyn, Oman jäne Sudanğa elderi de Izrail'men resmi seriktes bola alatının aytqan edi.

"The Qazaq Times"