سۋداندا جۋرناليستەر مەن قوعام بەلسەندىلەرى جاپپاي تۇتقىندالۋدا

سۋدان بيلىگى قوعام بەلسەندىلەرى مەن جۋرناليستەر جاپپاي تۇتقىنداۋدا. اتالمىش تۇتقىنداۋ بۇيرىعىن مەملەكەتتىك قاۋىپسىزدىك پروكۋراتۋراسى دەپ اتالاتىن قۇزىرلى ورىن شىعارعان.

سول ەلدەگى ۇكىمەتتىك ەمەس تەلە ارنالاردىڭ تاراتقان حابارىنا قاراعاندا، پروكۋراتۋرا 38 جۋرناليست پەن قوعام بەلسەندىلەرىنە پروۆوكاتسيا جاساۋ، جالپى تىنىشتىقتى بۇزۋ، بيلىك وكىلدەرىن قارالاۋ، ەلدى كوتەرىلىس جاساۋعا ناسيحاتتاۋ، جالعان حابار تاراتۋ جانە بەيبىتشىلىكتى بۇزۋ ايىپتارىن تاققان.

پروكۋراتۋرا تارابىنىڭ رەسمي مالىمدەمەسىندە، بۇل ايىپقا تارتىلعان ادامداردىڭ 28-ءى شەتەلدە تۇرادى.

ەلدەگى زات باعاسىنىڭ وسۋىنە بايلانىستى اتبەرا مەن پورت-سۋدان قالالارىندا جاپپاي نارازىلىق جالعاسىپ جاتقانىنا ءبىر ايدان استى. بۇل سۋداننىڭ كوپتەگەن پروۆينتسياسىنداعى بيلىككە قارسى نارازىلىق اكتسيالارىنا ۇلاستى.

ەل بيلىگى نارازىلىق شەرۋلەرىنىڭ ارتىندا سىرتقى كۇشتەر تۇرعانىن ايتادى. سونداي-اق، نارازىلىق اكتسياسىنىڭ بەلسەندىلەرى مەن اقپارات قۇرالدارىنىڭ وكىلدەرىن جاپپاي تۇتقىنداۋدى باستاپ وتىر.

“The Qazaq Times”