Doal'd Tramp. foto: kaza.ru

AQŞ pen Meksika arasındağı jağday qazirgi tañda gumanitarlıq dağdarısqa aynaldı. Bwl turalı Donal'd Tramp halıqqa ündeuinde mälimdedi.

Donal'd Tramp der kezinde Meksikamen aradağı şekarağa qabırğa twrğızu üşin qarjı bölinbegendikten,.atalğan dağdarıstıñ payda boluına demokrattardı kinäläp otır.

Ündeu barısında: «Meksika şekarasınan AQŞ-qa tap bolğısı keletin ärbir üşinşi äyel zorlıq-zombılıqqa duşar boladı. Bizdiñ lastanğan jüyede eñ köp qwrdımğa ketetin balalar men äyelder. Bwl AQŞ-tıñ oñtüstik şekarasındağı zañsız migraciyalar üşin tragediyalıq fakt. Sondıqtan, bwl jağdaydıñ nüktesin qoyu kerek» dedi Donal'd Tramp.

Bwdan bölek, atalğan swraqtıñ şeşimi äli de bolsa Meksikamen aradağı şekarağa qabırğa twrğızu kerektigi bolıp otırğandığın da joqqa şığarmadı.

Sonımen qatar, demokrattardıñ qabırğa qwrılısına qarajattı bölmeuiniñ saldarınan, osımen ekinşi apta bilik jwmıs jasamay otırğandığı da ündeu barısında aytıldı. AQŞ prezidentiniñ sözinşe, byudjettik dağdarıs barlığına tosqauıl qoyıp otır.

«AQŞ biligi tek bir ğana jağdayğa baylanıstı jwmıs tarın toqtattı. Demokrattar şekaranıñ qauipsizdigin qamtamasız etpey otır. Bwl jağdaydı bar bolğanı 45 minutta şeşuge boladı. Men bwl jağdaydıñ şeşimin tabu üşin Kongres ökilderiniñ köşbasşıların Aq Üyge şaqırdım» dep tüyindedi AQŞ prezidenti.

Qwjatta körsetilgendey, qwrılıstıñ barlıq şığındarı Meksikamen aradağı jaña sauda kelisiminiñ esebinen jürgiziletin boladı.

"The Qazaq Times"