اقش پەن مەكسيكا اراسىنداعى جاعداي قازىرگى تاڭدا گۋمانيتارلىق داعدارىسقا اينالدى. بۇل تۋرالى دونالد ترامپ حالىققا ۇندەۋىندە مالىمدەدى.

دونالد ترامپ دەر كەزىندە مەكسيكامەن اراداعى شەكاراعا قابىرعا تۇرعىزۋ ءۇشىن قارجى بولىنبەگەندىكتەن،.اتالعان داعدارىستىڭ پايدا بولۋىنا دەموكراتتاردى كىنالاپ وتىر.

ۇندەۋ بارىسىندا: «مەكسيكا شەكاراسىنان اقش-قا تاپ بولعىسى كەلەتىن ءاربىر ءۇشىنشى ايەل زورلىق-زومبىلىققا دۋشار بولادى. ءبىزدىڭ لاستانعان جۇيەدە ەڭ كوپ قۇردىمعا كەتەتىن بالالار مەن ايەلدەر. بۇل اقش-تىڭ وڭتۇستىك شەكاراسىنداعى زاڭسىز ميگراتسيالار ءۇشىن تراگەديالىق فاكت. سوندىقتان، بۇل جاعدايدىڭ نۇكتەسىن قويۋ كەرەك» دەدى دونالد ترامپ.

بۇدان بولەك، اتالعان سۇراقتىڭ شەشىمى ءالى دە بولسا مەكسيكامەن اراداعى شەكاراعا قابىرعا تۇرعىزۋ كەرەكتىگى بولىپ وتىرعاندىعىن دا جوققا شىعارمادى.

سونىمەن قاتار، دەموكراتتاردىڭ قابىرعا قۇرىلىسىنا قاراجاتتى بولمەۋىنىڭ سالدارىنان، وسىمەن ەكىنشى اپتا بيلىك جۇمىس جاساماي وتىرعاندىعى دا ۇندەۋ بارىسىندا ايتىلدى. اقش پرەزيدەنتىنىڭ سوزىنشە، بيۋدجەتتىك داعدارىس بارلىعىنا توسقاۋىل قويىپ وتىر.

«اقش بيلىگى تەك ءبىر عانا جاعدايعا بايلانىستى جۇمىس تارىن توقتاتتى. دەموكراتتار شەكارانىڭ قاۋىپسىزدىگىن قامتاماسىز ەتپەي وتىر. بۇل جاعدايدى بار بولعانى 45 مينۋتتا شەشۋگە بولادى. مەن بۇل جاعدايدىڭ شەشىمىن تابۋ ءۇشىن كونگرەس وكىلدەرىنىڭ كوشباسشىلارىن اق ۇيگە شاقىردىم» دەپ تۇيىندەدى اقش پرەزيدەنتى.

قۇجاتتا كورسەتىلگەندەي، قۇرىلىستىڭ بارلىق شىعىندارى مەكسيكامەن اراداعى جاڭا ساۋدا كەلىسىمىنىڭ ەسەبىنەن جۇرگىزىلەتىن بولادى.

"The Qazaq Times"