Aşraf Ğani. foto: kommersant.ru

Auğanstanda 2019 jılğa josparlanğan prezidenttik saylauğa kandidattardı tirkeu bastaldı. Bwl turalı Khaama Press mälimdep otır.

Auğanstan saylau komissiyasınıñ sözinşe, qazirgi tañda prezidenttik saylau 20 säuirge belgilengen. Alayda, däl osı küni Gazni qalasında keyinge şegerilgen parlament saylauı da josparlanğan eken.

Qazirgi tañda on besten astam kandidat prezidenttik saylauğa qatısu üşin tirkeuge twrğan. Auğanstan zañı boyınşa, atalğan lauazımğa auğan azamattığı bar, ata-anası auğandıq, mwsılman jäne sottalmağan azamattardıñ barlığına qatısuğa boladı.

Auğanstan saylau komissiyasına barıp tirkeuge twrğandardıñ arasında ükimet ministri Abdulla Abdulla, «Masud» qorınıñ jetekşisi Ahmet Vali Masud jäne Auğanstannıñ qazirgi prezidenti Aşraf Ğani kelesi saylauğa öz ümitkerligin wsınğan.

Bwdan säl erterekte eldiñ qauipsizdigi men özge de jağdaylarğa baylanıstı Auğanstanda prezident saylauı keyinge şegeriledi degen aqparat şıqqan. Alayda, josparlanğan data sol küyi qabıldandı.

Qazan ayında ötken Auğanstandağı parlament saylauı kezinde, Taliban wyımı men Islam memleketi terrorlıq äreketterge barıp, dauıs beru orındarında jarılıs jasağan. Sonıñ saldarınan 56 adam qaza tauıp, 379 adam türli dene jaraqatın aldı. Atalğan oqiğanı baqılauında wstağan BWW, Auğanstandağı parlament saylauı zamanaui tarihtağı eñ qandı saylau dep mälimdegen bolatın. Bwdan bölek Auğanstannıñ Taliban wyımı şoğırlanğan şağın audandarınıñ twrğındarı dauıs beru şarasına da qatısa almadı.

Auğanstandağı prezidenttik saylau kelesi jılı qanday bolatını belgisiz. Sebebi AQŞ, Auğan şekarasındağı äskeriniñ basım böligin Amerikağa qaytaradındığı turalı mälimdegen bolatın. Osıdan keyin, Talibandardıñ äreketi men kandidattardıñ arasındağı arazdıñ da küşeyetini belgili. Wzaq jıldar boyı qaqtığıstan köz aşpay kele jatqan Auğanstan eli, keler jılı ädil saylau ötkizedi degenge, köptegen Halıqaralıq sarapşılar bas şayqap otır.

“The Qazaq Times”