2019 jıldıñ 1 qañtarınan bastap Katar Mwnay eksporttauşı elder wyımınan şığadı. Bwl turalı 3 jeltoqsan küni Doha da ötken baspasöz-konferenciyasında Katardıñ energetika ministri Sad äl-Kaabi mälimdedi.

Ministrdiñ sözinşe, bwl şeşim Katardıñ älemdik arenalardağı öziniñ körsetkişin wlğaytıp, tehnikalıq jäne strategiyalıq qadamın arttıruğa jağday jasamaq. Sonımen qatar, «Atalğan wyımnan şığu Katar eli üşin öziniñ tabiği gazın wlğaytudıñ tiimdi josparı bolıp otır. Bwrın jılına 77 mln tonna öndirse, endi onıñ kölemin 110 mln tonnağa deyin ösiru qarastırıluda»  dep öz pikirin jetkizdi.

Katar eli Mwnay eksporttauşı elder wyımında 57 jıl müşe bolıp kelgen. Qazan ayında täuligine 610 000 barrel' mwnay öndirgen memleket, wyım işinde 11 orında bolatın.

“The Qazaq Times”