2019 جىلدىڭ 1 قاڭتارىنان باستاپ كاتار مۇناي ەكسپورتتاۋشى ەلدەر ۇيىمىنان شىعادى. بۇل تۋرالى 3 جەلتوقسان كۇنى دوحا دا وتكەن ءباسپاسوز-كونفەرەنتسياسىندا كاتاردىڭ ەنەرگەتيكا ءمينيسترى ساد ءال-كاابي مالىمدەدى.

ءمينيستردىڭ سوزىنشە، بۇل شەشىم كاتاردىڭ الەمدىك ارەنالارداعى ءوزىنىڭ كورسەتكىشىن ۇلعايتىپ، تەحنيكالىق جانە ستراتەگيالىق قادامىن ارتتىرۋعا جاعداي جاساماق. سونىمەن قاتار، «اتالعان ۇيىمنان شىعۋ كاتار ەلى ءۇشىن ءوزىنىڭ تابيعي گازىن ۇلعايتۋدىڭ ءتيىمدى جوسپارى بولىپ وتىر. بۇرىن جىلىنا 77 ملن توننا وندىرسە، ەندى ونىڭ كولەمىن 110 ملن تونناعا دەيىن ءوسىرۋ قاراستىرىلۋدا»  دەپ ءوز پىكىرىن جەتكىزدى.

كاتار ەلى مۇناي ەكسپورتتاۋشى ەلدەر ۇيىمىندا 57 جىل مۇشە بولىپ كەلگەن. قازان ايىندا تاۋلىگىنە 610 000 باررەل مۇناي وندىرگەن مەملەكەت، ۇيىم ىشىندە 11 ورىندا بولاتىن.

“The Qazaq Times”