Almatı oblısınıñ Jarkent qalasında Twñğış Prezident künine oray jäne Orbwlaq şayqasınıñ 375 jıldığına baylanıstı «Wlı jebe» memorialdı keşeni aşıldı.

Saltanattı şarağa oblıs äkimi Amandıq Batalov, Parlament Mäjilisiniñ deputatı, qoğam qayratkeri Quanış Swltanov, tarihşı ğalımdar, qalamgerler, audan jwrtşılığı qatıstı.

«Orbwlaq şayqası – qazaq halqınıñ azattıq jolındağı tarihi oqiğalarınıñ biri. Elbasımız Nwrswltan Äbişwlı Nazarbaev: «Orbwlaq pen Añıraqaydağı tarihi mañızdı jeñister Azattıqtıñ aq tuı astında jelbiredi», - dep tarih tolqınındağı erlikke tolı wlı oqiğalardı däripteuge erekşe män bergen bolatın. Memleket basşısınıñ jaqında jarıq körgen «Wlı Dalanıñ jeti qırı» attı maqalası da bizdiñ wlttıq tarihımızğa tereñ üñiluge, halqımızdıñ ötkenine, bügini men bolaşağına zor qwrmetpen qarauğa ündeydi. Orbwlaq tarihı – sol Wlı Dala tarihınıñ bir parağı», - dep atap ötti oblıs äkimi Amandıq Batalov.

«Wlı jebe» memorialdıq keşeni negizinen aq märmär men granitten dayındaldı. Jobanıñ qwnı 278,6 mln. teñgeni qwraydı. Qwrılısın jürgizgen merdiger wyım – «Kagan Engineering» JŞS. Memorialdı keşenniñ suretşileri - Ğaziz Eşkenov pen Aydar Jamhan, müsinşi arhitektorı - Aydın Jaylaubaev. Memorialdıq keşendi twlparlı batırlar beynelengen barel'ef pen joğarığa tik şanşılğan jebe men qalqan qwrap twr.

"The Qazaq Times"