QR prem'er-ministri B. Sağıntaev Beyjiñde jasağan resmi saparı kezinde, Qıtay prem'eri Li Kıçyañmen ükimetaralıq kelissöz jürgizdi. Prem'er-ministri B. Sağıntaevtıñ Qıtay saparı Şınjın qalasında da jalğasıp, onda ükimet twlğalarınan tıs iri käsiporındar, wlttıq kompaniyalardıñ köşbasşılarımen kezdesti.

Beyjiñdegi qos eldiñ prem'er-ministrleri ekijaqtı kelisimderdi jüzege asıru isterin talqığa salğan. Ekijaqtı sauda-ekonomikalıq, köliktik-logistikalıq, infraqwrılımdıq, industrialdı-innovaciyalıq damu, auıl şaruaşılığı önimderiniñ eksportın keñeytu mäseleleri bastı taqırıp boldı. Bwlarğa qosa, investiciyalar, cifrlandıru, önerkäsip, metallurgiya, maşina jasau, energetika jäne turizm salalarındağı özara is-qimıldı keñeytudiñ perspektivaları da talqı taqırıbında qamtıldı. Bwdan tıs, transqwrlıqtıq konteynerlik tasımaldardıñ kölemin, äsirese, Wlı Jibek jolı bağıtı boyınşa isteri de söz bolğan.

B. Sağıntaev kezekti resmi saparında iri investiciyalıq kompaniyalarmen de kezdesu ötkizgen. Bwl kezdesu negizinen Qazaqstan ekonomikasınıñ tehnologiyalıq jañartu,  auıl şaruaşılığın, qwrılıs jäne metallurgiya salasın damıtu isterinde birlesken jobalarğa arnalğan.

Kezekti saparda QR prem'eri Qıtaydıñ zertteu, saraptau ortalıqtarı, JOO-nıñ zertteu instituttarınıñ ökilderimen de kezdesude bolğan.

Baqıtjan mırzanıñ Qıtay saparı, QHR törağası Şi Jipiñmen kezdesuden bastalğan. Bwl kezdesude Qıtay basşısın QR prezidenti N. Nazarbaevtıñ wsınısımen 2019 jılı Qazaqstanğa resmi saparlay keluin şaqırğan bolatın.

“The Qazaq Times”