قر پرەمەر-ءمينيسترى ب. ساعىنتاەۆ بەيجىڭدە جاساعان رەسمي ساپارى كەزىندە، قىتاي پرەمەرى لي كىچياڭمەن ۇكىمەتارالىق كەلىسسوز جۇرگىزدى. پرەمەر-ءمينيسترى ب. ساعىنتاەۆتىڭ قىتاي ساپارى شىنجىن قالاسىندا دا جالعاسىپ، وندا ۇكىمەت تۇلعالارىنان تىس ءىرى كاسىپورىندار، ۇلتتىق كومپانيالاردىڭ كوشباسشىلارىمەن كەزدەستى.

بەيجىڭدەگى قوس ەلدىڭ پرەمەر-مينيسترلەرى ەكىجاقتى كەلىسىمدەردى جۇزەگە اسىرۋ ىستەرىن تالقىعا سالعان. ەكىجاقتى ساۋدا-ەكونوميكالىق، كولىكتىك-لوگيستيكالىق، ينفراقۇرىلىمدىق، يندۋستريالدى-يننوۆاتسيالىق دامۋ، اۋىل شارۋاشىلىعى ونىمدەرىنىڭ ەكسپورتىن كەڭەيتۋ ماسەلەلەرى باستى تاقىرىپ بولدى. بۇلارعا قوسا، ينۆەستيتسيالار، تسيفرلاندىرۋ، ونەركاسىپ، مەتاللۋرگيا، ماشينا جاساۋ، ەنەرگەتيكا جانە تۋريزم سالالارىنداعى ءوزارا ءىس-قيمىلدى كەڭەيتۋدىڭ پەرسپەكتيۆالارى دا تالقى تاقىرىبىندا قامتىلدى. بۇدان تىس، ترانسقۇرلىقتىق كونتەينەرلىك تاسىمالداردىڭ كولەمىن، اسىرەسە، ۇلى جىبەك جولى باعىتى بويىنشا ىستەرى دە ءسوز بولعان.

ب. ساعىنتاەۆ كەزەكتى رەسمي ساپارىندا ءىرى ينۆەستيتسيالىق كومپانيالارمەن دە كەزدەسۋ وتكىزگەن. بۇل كەزدەسۋ نەگىزىنەن قازاقستان ەكونوميكاسىنىڭ تەحنولوگيالىق جاڭارتۋ،  اۋىل شارۋاشىلىعىن، قۇرىلىس جانە مەتاللۋرگيا سالاسىن دامىتۋ ىستەرىندە بىرلەسكەن جوبالارعا ارنالعان.

كەزەكتى ساپاردا قر پرەمەرى قىتايدىڭ زەرتتەۋ، ساراپتاۋ ورتالىقتارى، جوو-نىڭ زەرتتەۋ ينستيتۋتتارىنىڭ وكىلدەرىمەن دە كەزدەسۋدە بولعان.

باقىتجان مىرزانىڭ قىتاي ساپارى، قحر توراعاسى شي جيپيڭمەن كەزدەسۋدەن باستالعان. بۇل كەزدەسۋدە قىتاي باسشىسىن قر پرەزيدەنتى ن. نازارباەۆتىڭ ۇسىنىسىمەن 2019 جىلى قازاقستانعا رەسمي ساپارلاي كەلۋىن شاقىرعان بولاتىن.

“The Qazaq Times”