Älem elderiniñ basşıları Parijge jinaldı. Foto: VOA.

Franciya astanası Parijde 70-ten astam memleket pen halıqaralıq wyımdardıñ basşıları Birinşi düniejüzilik soğıstıñ ayaqtalğanına 100 jıl toluına oray ötkizilgen alu räsimine qatıstı. Atalğan şarada, AQŞ prezidenti Donal'd Tramp, RF prezidenti Vladimir Putin, Germaniya kancleri Angela Merkel, Türkiya prezidenti Rejep Tayıp Erdoğan,  özge de köptegen eldiñ basşıları jinalğan. Älem elderiniñ lauazımdı twlğaların Franciya prezidenti Emmanuel' Makron Elisey sarayında qarsı aldı.

11 qaraşa, Parij uaqıtımen 11:00-de, Birinşi düniejüzilik soğıstıñ ayaqtalğanına tolıq 100 jıl toluına oray, 70-ten astam elden kelgen basşılar Parijdegi Arka De Triumfe aldına jinalıp, alapat soğıstıñ milliondağan qwrbandarın eske aldı. Sol soğısta atıs maydandağı şayqasqa äsker attandırğan elderdiñ bügingi basşıları Arka De Triumfedegi soğıs qwrbanı äri esimi belgisiz jauıngerlerdiñ eskertkişinde aza bildirdi.

Adamzat tarihındağı joyqın qırğınnıñ ayaqtalğanına 100 jıl toluına oray jasalğan eske alu şarası tereñ mazmwndardı qamtıdı. Francuz oquşıları sol soğısta ört pen seldiñ ortasında jürip jazılğan oficerlerdiñ hatın oqıdı. Onda soğıstıñ zwlmat körinisi anıq beynelengen.

Wlıbritaniyalıqtar men amerikalıqtar Birinşi düniejüzilik soğıs sol twsta tuıluı mümkin basqa soğıstardı toqtattı dep qaraydı. Ol öziniñ orasan zor qırğınımen adamzatqa eskertu jasadı. Alayda, sodan 20 jılday ötkende adamzat tarihında oğan deyin bolıp körmegen tağı bir qırğındı bastan keşti.

Franciya prezidenti Makron şarada söylegen sözinde, atalğan soğıstı «sol uaqıttarda Europa özine özi qol saldı» dep bağaladı.  Mälimetterde Birinşi düniejüzilik soğısta  Europanıñ özinen 10 millionnan astam adam qaza tauıp, şamamen 6 mln adam zardap şekken delinedi.

Prezident Makron sözinde, bügingi tañda da qoldan jasalğan osınday apattıñ qauipteri beleñ ala bastağanın, tarih tragediyalıq bağıtın jalğastırıp jatqanın atap ötti.

Prezident Tramp: "100 jıl bwrın olar qorğağan örkenietti qorğau, olar özin qwrban etken beybitşilik pen tınıştıqtı qorğau bizdiñ borışımız", – dedi.

“The Qazaq Times”