Orta qaşıqtıqtağı zımıran. Foto: BBC.com.

Soñğı uaqıttar da Resey men Batıs elderi jäne Qıtay arasında orta, qısqa qaşıqtıqtağı zımırandardıñ taqırıbı köbirek köterilude. Bwl Tramp ükimetiniñ AQŞ-Keñes odağı arasında qol qoyğan Orta qaşıqtıqtağı yadrolıq qarular turalı kelisimnen bas tartu turalı şeşimine baylanıstı qozğaluda. Bwl jöninde AQŞ ükimetiniñ de özindik uäji bar.

Bir küni bwrın Reseydiñ qorğanıs ministri Sergey Şoygu Grekiyanıñ qorğanıs ministri Panos Kammenospen kezdesu kezinde Europa elderine orta qaşıqtıqtağı zımıran jöninde eskertu jasadı. Ol sözinde Europa elderi orta qaşıqtıqtağı zımırandardı ornatatın bolsa, onıñ zardaptarı turalı eskerui kerek degendi ayttı.

Osığan deyin Resey tarabı, eger AQŞ Europa elderine orta qaşıqtıqtağı zımırandardı ornatuğa ärekettense, bwl Resey tarabınan soğan teñ keletin äreketpen jauap beriletinin qayta-qayta aytıp keledi. Mäskeudiñ bwl döñaybat körsetui bir esepten, Batıs elderi üşin jattandı jauapqa da aynalıp bara jatır deuge boladı.

Şoygu Krekiya qorğanıs ministrine kezdesu kezinde, bwl mäselege Europa elderi jäne NATO-nıñ basqa elderi qalay qaraytının bilgisi kelgenin jetkizdi. Bwdan Mäskeudiñ Europa elderin AQŞ şeşimine qarsı qoyuğa tırısatının bayqauğa bolatınday.

 

“The Qazaq Times”