ورتا قاشىقتىقتاعى زىمىران. فوتو: BBC.com.

سوڭعى ۋاقىتتار دا رەسەي مەن باتىس ەلدەرى جانە قىتاي اراسىندا ورتا، قىسقا قاشىقتىقتاعى زىمىرانداردىڭ تاقىرىبى كوبىرەك كوتەرىلۋدە. بۇل ترامپ ۇكىمەتىنىڭ اقش-كەڭەس وداعى اراسىندا قول قويعان ورتا قاشىقتىقتاعى يادرولىق قارۋلار تۋرالى كەلىسىمنەن باس تارتۋ تۋرالى شەشىمىنە بايلانىستى قوزعالۋدا. بۇل جونىندە اقش ۇكىمەتىنىڭ دە وزىندىك ءۋاجى بار.

ءبىر كۇنى بۇرىن رەسەيدىڭ قورعانىس ءمينيسترى سەرگەي شويگۋ گرەكيانىڭ قورعانىس ءمينيسترى پانوس كاممەنوسپەن كەزدەسۋ كەزىندە ەۋروپا ەلدەرىنە ورتا قاشىقتىقتاعى زىمىران جونىندە ەسكەرتۋ جاسادى. ول سوزىندە ەۋروپا ەلدەرى ورتا قاشىقتىقتاعى زىمىرانداردى ورناتاتىن بولسا، ونىڭ زارداپتارى تۋرالى ەسكەرۋى كەرەك دەگەندى ايتتى.

وسىعان دەيىن رەسەي تارابى، ەگەر اقش ەۋروپا ەلدەرىنە ورتا قاشىقتىقتاعى زىمىرانداردى ورناتۋعا ارەكەتتەنسە، بۇل رەسەي تارابىنان سوعان تەڭ كەلەتىن ارەكەتپەن جاۋاپ بەرىلەتىنىن قايتا-قايتا ايتىپ كەلەدى. ماسكەۋدىڭ بۇل ءدوڭايبات كورسەتۋى ءبىر ەسەپتەن، باتىس ەلدەرى ءۇشىن جاتتاندى جاۋاپقا دا اينالىپ بارا جاتىر دەۋگە بولادى.

شويگۋ كرەكيا قورعانىس مينيسترىنە كەزدەسۋ كەزىندە، بۇل ماسەلەگە ەۋروپا ەلدەرى جانە ناتو-نىڭ باسقا ەلدەرى قالاي قارايتىنىن بىلگىسى كەلگەنىن جەتكىزدى. بۇدان ماسكەۋدىڭ ەۋروپا ەلدەرىن اقش شەشىمىنە قارسى قويۋعا تىرىساتىنىن بايقاۋعا بولاتىنداي.

 

“The Qazaq Times”