Соңғы уақыттар да Ресей мен Батыс елдері және Қытай арасында орта, қысқа қашықтықтағы зымырандардың тақырыбы көбірек көтерілуде. Бұл Трамп үкіметінің АҚШ-Кеңес одағы арасында қол қойған Орта қашықтықтағы ядролық қарулар туралы келісімнен бас тарту туралы шешіміне байланысты қозғалуда. Бұл жөнінде АҚШ үкіметінің де өзіндік уәжі бар.

Бір күні бұрын Ресейдің қорғаныс министрі Сергей Шойгу Грекияның қорғаныс министрі Панос Камменоспен кездесу кезінде Еуропа елдеріне орта қашықтықтағы зымыран жөнінде ескерту жасады. Ол сөзінде Еуропа елдері орта қашықтықтағы зымырандарды орнататын болса, оның зардаптары туралы ескеруі керек дегенді айтты.

Осыған дейін Ресей тарабы, егер АҚШ Еуропа елдеріне орта қашықтықтағы зымырандарды орнатуға әрекеттенсе, бұл Ресей тарабынан соған тең келетін әрекетпен жауап берілетінін қайта-қайта айтып келеді. Мәскеудің бұл дөңайбат көрсетуі бір есептен, Батыс елдері үшін жаттанды жауапқа да айналып бара жатыр деуге болады.

Шойгу Крекия қорғаныс министріне кездесу кезінде, бұл мәселеге Еуропа елдері және НАТО-ның басқа елдері қалай қарайтынын білгісі келгенін жеткізді. Бұдан Мәскеудің Еуропа елдерін АҚШ шешіміне қарсы қоюға тырысатынын байқауға болатындай.

 

“The Qazaq Times”