Foto: politikus.ru

Resey Kaliningrad oblısındağı yadrolıq qaru qoymaların jañarttı – deydi CNN.

Telearnanıñ resmi saytı 19 şilde men qazanğa deyingi aralıqta ImageSat International kompaniyası sputnikten tüsirilgen suretterdi jariyaladı. Reseydiñ Baltıq teñizindegi iri portı ornalasqan Primorsk qalası mañındağı 40 bunkeri men «Çkalovsk» äskeri bazasında qayta öñdeu jwmıstarı jürgizilgen. Äskeri bazağa Baltıq flotı aviaciyasınıñ wşaqtarı tasımaldanğan bolatın. Sonday-aq reseylik äskeriler Çernyahovskige «Iskander» zımıran keşenin jöneltken. Osı taqırıpqa qatıstı AQŞ-tıñ Europa men Afrikadağı äskeri-teñiz küşteriniñ qolbasşısı Djeyms Foggo CNN-ge bergen swhbatında Reseydiñ Kaliningrad oblısında öz äskeri jağdayın küşeytui NATO-ğa eş tejeu bola almaytının ayttı. Resey tarapı bwl aqparatqa qatıstı tis jarğan joq.

Ayta keteyik, 2014 jılı Resey Qırımdı anneksiyalap alğannan keyin NATO Şığıs Europadağı äskeri küşterin nıñayttı. Al 2017 jılı NATO Latviya, Estoniya, Litva, Pol'şağa jedel äreket eteuge beyim tört mıñ sarbazın rotaciyaladı. Eger Reseymen kütpegen jağdayda eskalaciya orın alsa, atalğan sarbazdar toytarıs beredi.

"The Qazaq Times"