Tramp Aq üy otırısında. Foto: VOA7

AQŞ prezidenti Donal'd Tramp Aq üydiñ seysenbi küngi otırısında Qıtay ükimetine qaytalay eskertu jasap: «Eger Qıtay tarabı bizdiñ  qıtaylıq tauarlarğa belgilegen tarifterge qarsı şaralar  qoldanatın bolsa,  onda AQŞ öz şarasın eseley tüsedi. Qıtaydan import etiletin tauarlarğa 267 mlrd dollarğa deyin salıq engizetin bolamız», – dedi.

Ol BAQ ökilderine jauap bergende: «AQŞ-Qıtay qatınası jaman emes, biraq, olar osığan deyin Qwrama Ştattan jılına 500 milliard dollar alıp ketip otırdı, biz endi bwnday isterdiñ qaytalanuına jol bermeuimiz kerek. Eki el arasındağı saudadan Qıtay är jılı  200, 300, 400 milliardtap, tipti 500 milliardqa deyin payda tauıp otırdı. Olar bizdiñ arqamızda osı künge jetti, bwlay bolmağanda Qıtaydıñ qazirgi küni joq edi, endi jağıday basqaşa  boladı», – dedi.

Tramp Qwrama Ştattıñ BWW-dağı ökili Nikki Heylidiñ (Nikki Haley) otstavkağa ketetinin jariyalaumen birge Qıtay ükimetiniñ kelissözderge dayın emes ekenin de aytıp ötti. Ol Qıtay ükimetine degen narazılığın: «Biz olardıñ sılbırlığı üşin birneşe ret josparlarımızdı özgerttik, eki el arasındağı qatınastı tek bizdiñ bir jaqtılı talpınısımızben saqtap otıruğa bolmaydı, barıs-kelis degen qos taraptıñ belsendi jwmıs jasauımen boladı, bizde öz paydamızdı tabuımız kerek», – degen sözdermen bildirdi.

Eki eldiñ teke-tiresi äli jalğasuda, Pompeoniñ Aziyadağı tört elge saparınan keyin AQŞ prezidentiniñ kezekti mälimdemesin jasauı  Beyjiñdegi kezdesulerdiñ eki el arasındağı qayşılıqtı şeşe almağanın körsetti.

“The Qazaq Times”