Pompeo orınbasarın Aziya elderine attandırdı. Foto: Flickr.

AQŞ memlekettik hatşısı Pompeonıñ Şığıs Aziya saparı ayaqtala salısımen onıñ halıqaralıq qauipsizdik jönindegi kömekşisi Aziyağa attandı. Saparınıñ bastı maqsatı aymaqtağı eldermen kelissözder jürgize otırıp, Soltüstik Koreyanıñ yadrolıq qarudan bas tartuına qoldau men qısımdı qatar körsetu. Bwl turalı AQŞ-tağı WSJ basılımı habarlağan bolatın.

AQŞ memlekettik hatşısınıñ kömekşisi Kristofer Fordtıñ Aziya saparı Singapur, V'etnam jäne Taylandqa elderine jasaladı. Ol osı elderde BWW Qauipsizdik keñesiniñ Soltüstik Koreyağa qaratqan qısımdarın jäne ekonomikalıq sankciyalardı qatañ saqtaudı nasihattauı tiis.

Memlekettik departamenttiñ mälimdemesinde aytıluınşa, Ford V'etnam men Tayland saparı kezinde yadrolıq energiyanı beybit maqsatta paydalanu mäselesin talqılaydı.

Atalğan elder Oñtüstik Şığıs Aziyadağı mañızdı oyınşılardıñ qatarına jatadı. Äri, Soltüstik Koreyanıñ bwl eldermen bolğan qarım-qatınası jaqsı. KHDR-nı tolıqtay yadrolıq qarudan bas tartuğa köndiru üşin bwl elderdiñ Soltüstik Koreyağa salınğan sankciyanı öz qalpında saqtap twruı kerek. Bwl Pioñyañ biligine degen qısımdı arttıra beredi.

Ayta keteyik, soñğı jıldarı AQŞ pen V'etnam arasındağı baylanıs joğarı deñgeyge köterildi. V'etnam bolsa Oñtüstik Qıtay teñizindegi territoriyalıq dau-damaydıñ qatısuşısı.

“The Qazaq Times”