Süriyada qalğan reseylik S-300 AQŞ-tı alañdatuda

Seysenbi küni Reseydiñ Wlttıq qauipsizdik keñesiniñ otırısı ötip, jinalısta sol eldiñ qorğanıs ministri Sergey Şoygu S-300 zımıran qorğanıs jüyeleriniñ Süriyağa ötkerip beretinin mälimdegen bolatın.

Osığan baylanıstı AQŞ Memlekettik departamenti arnayı mälimdeme jasap, alañdauşılıq tanıttı. Memlekettik departamenttiñ resmi ökili Hizer Nauert bir kün bwrın jasağan mälimdemesinde: «Reseylik S-300 zımıran qorğanıs qwrılğılarınıñ Süriyada ornatıluı bwl eldegi twraqsızdıqtı tipti de örşite tüsedi», – dedi.

Şoygudıñ mälimdemesinen S-300 zımıran qorğanıs jüyesinen tıs, osığan deyin reseylik äskeri bazalardı qorğap kelgen arnayı qorğanıs qwrılğılarınıñ da Süriya ükimetine berilgeni mälim boldı.

Mälimetterge qarağanda, Süriyanıñ arnayı mamandar tobı Mäskeuge barıp, S-300 zımıran qorğanıs jüyesin paydalanudıñ qısqa merzimdik üyrenuin bastap ketken. Üş aydan keyin süriyalıq äskeri mamandar reseylik zımıran qorğanıs jüyesin paydalanuğa tolıqtay dayın bolmaq.

“The Qazaq Times”