ءسۇريادا قالعان رەسەيلىك S-300 اقش-تى الاڭداتۋدا

سەيسەنبى كۇنى رەسەيدىڭ ۇلتتىق قاۋىپسىزدىك كەڭەسىنىڭ وتىرىسى ءوتىپ، جينالىستا سول ەلدىڭ قورعانىس ءمينيسترى سەرگەي شويگۋ S-300 زىمىران قورعانىس جۇيەلەرىنىڭ سۇرياعا وتكەرىپ بەرەتىنىن مالىمدەگەن بولاتىن.

وسىعان بايلانىستى اقش مەملەكەتتىك دەپارتامەنتى ارنايى مالىمدەمە جاساپ، الاڭداۋشىلىق تانىتتى. مەملەكەتتىك دەپارتامەنتتىڭ رەسمي وكىلى حيزەر ناۋەرت ءبىر كۇن بۇرىن جاساعان مالىمدەمەسىندە: «رەسەيلىك S-300 زىمىران قورعانىس قۇرىلعىلارىنىڭ ءسۇريادا ورناتىلۋى بۇل ەلدەگى تۇراقسىزدىقتى ءتىپتى دە ورشىتە تۇسەدى»، – دەدى.

شويگۋدىڭ مالىمدەمەسىنەن S-300 زىمىران قورعانىس جۇيەسىنەن تىس، وسىعان دەيىن رەسەيلىك اسكەري بازالاردى قورعاپ كەلگەن ارنايى قورعانىس قۇرىلعىلارىنىڭ دا ءسۇريا ۇكىمەتىنە بەرىلگەنى ءمالىم بولدى.

مالىمەتتەرگە قاراعاندا، ءسۇريانىڭ ارنايى ماماندار توبى ماسكەۋگە بارىپ، S-300 زىمىران قورعانىس جۇيەسىن پايدالانۋدىڭ قىسقا مەرزىمدىك ۇيرەنۋىن باستاپ كەتكەن. ءۇش ايدان كەيىن سۇريالىق اسكەري ماماندار رەسەيلىك زىمىران قورعانىس جۇيەسىن پايدالانۋعا تولىقتاي دايىن بولماق.

“The Qazaq Times”