Foto: lb.ua

30 qırküyekte Makedoniyada el atauın özgertuge baylanıstı ötken referendum oydağıday ötpedi.  Saylauşılardıñ 90 %-ı el atauınıñ özgertiluin qoldap dauıs bergenmen, Makedoniya «Soltüstik Makedoniya» bolıp özgertilmey qaldı. Bwl turalı Makedoniyanıñ saylau komissiyasınıñ basşısı Oliver Derkoski mälimdedi, - dep habarlaydı yeniakit.com.tr.

Referendumda saylauşılar «Makedoniya Respublikası men Grekiya Respublikasınıñ arasındağı kelisimşarttı qabılday otırıp, EO men NATO-ğa müşe boludı qoldaysız ba?» degen swraqqa jauap bergen. Negizi, osı kelisimşart boyınşa Makedoniya «Soltüstik Makedoniya Respublikası» dep ataluı tiis bolatın. Alayda, saylauşılardıñ 90 %-ı el atauınıñ özgertiluin qoldap dauıs bergenmen, Makedoniya «Soltüstik Makedoniya» bolıp özgertilmey qaldı. Makedoniya Respublikasınıñ saylau komissiyasınıñ basşısı Oliver Derkoskidiñ aytuınşa, referendum üşin qajet saylauşılardıñ tek 50 % -ı qatısqan. «Bwl referendumda şeşimniñ qabıldanbaytını oğan qatısuşılardıñ sanınan-aq belgili boldı», - degen Derkoski.

EO men NATO da Makedoniyanıñ eurointegraciyası men atauınıñ özgertilui turalı referendumnıñ qorıtındısın qoldap otır. Euroodaqtıñ körşilik sayasat jönindegi komissarı Yohannes Han Makedoniyada ayaqtalğan referendum qorıtındısın «Grekiyamen jasalğan kelisimşarttı qoldau» dep atadı. Ol öziniñ tvitter jelisindegi paraqşasında sayasi liderlerdiñ barlığın bwl şeşimge qwrmetpen qarauğa şaqırdı. Referendum qorıtındısın NATO-nıñ bas hatşısı Yens Stoltenberg te qoldap şıqtı. Ol bwnı Makedoniyanıñ NATO qwramına kiruine birden-bir mümkindik dep atadı.

Üstimizdegi jıldıñ mausım ayında Makedoniya men Grekiya Makedoniyanıñ atauın Soltüstik Makedoniya dep ataudı qarastıratın tarihi kelisimşartqa qol qoyğan edi. Bwnıñ öteui retinde Grekiya Makedoniyanıñ NATO men Europa Odağına müşe boluı turalı kelissözderdi bwğattan şığardı. Negizi, Makedoniyanıñ atauına qatıstı dau 1990 jıldardan beri jalğasıp keledi.

“The Qazaq Times”