Foto: eadaily.com

Türkiya AQŞ-tıñ Tehranğa qarsı sankciyasına bola  Iran gazın importtaudı toqtatpaydı. Ankaranıñ osı wstanımı turalı türik prezidenti Rejep Tayıp Erdoğan  Reyter agenttigine bergen swhbatında ayttı.

«Bwrın Barak Obama kezinde (AQŞ-tıñ bwrınğı prezidenti — red.) osığan wqsas jağday (Iran gazına qatıstı) orın alğan edi. Eger biz onı importtamaytın bolsaq, onda qısta halqımdı nemen jılıtamın? Qazirgi tañda biz gazdıñ 50 payızın Reseyden, qalğan kölemin Äzirbayjannan, Irannan, Iraktan jäne keyde Aljirden jetkizemiz. Keşiriñizder, biraq biz halqımızdıñ müddesin bastı orınğa qoya otırıp äreket etetin bolamız», - dedi Erdoğan AQŞ-tıñ irandıq barlıq kömirsutek salasına qarsı salınuı mümkin sankciyalar turalı swraqqa jauap bere otırıp. AQŞ-tıñ 2015 jılı jasalğan Irannıñ yadrolıq bağdarlamasınan şığatını turalı habarlağannan keyin Uaşington üstimizdegi jıldıñ 4 qaraşasınan bastap Tehranğa qarsı qatañ sankciyalardı qayta jañartuğa uäde bergen edi. Sonımen qatar, barlıq odaqtastarın Irannan mwnay satıp almauğa şaqırğan bolatın.  Keşe Iran da öz kezeginde, Batıs Europa men AQŞ-qa mwnay transferiniñ negizgi äri birden-bir jolı bolıp tabılatın Ormuz bwğazın jauıp tastauı mümkin ekenin aytıp, ses körsetken edi. Endi, AQŞ-tıñ osı wsınısına qaramastan, Türkiya «işki qajettilikterge säykes äreket etetinin», yağni Irannan mwnay satıp aludı toqtatpaytının habarladı.

“The Qazaq Times”