Osı aydıñ 10-28 künderi aralığında Jeneva qalasınıñ ortalığında Birikken Wlttar Wyımınıñ adam qwqıqtarı jönindegi keñesiniñ 39-şı kezdesui ötude.
Kezdesu ayasında on segizinşi qırküyekte Qıtaydıñ qol astındağı qazaqtardıñ jazıqsızdan qatañ tärtiptegi konslagerlerge qamaluı jäne Qıtay ükimeti jasap jatqan zwlımdıqtar men qısımdar bastı mäsele esebinde talqıldandı.
Atalğan kezdesudiñ bastı maqsatı – Qıtay ükimetiniñ Şığıs Türkistanda milliondağan qazaqtardı konslagerlerge jöneltip, azaptap öltirip jatqandığın BWW diplomattarı men halıqaralıq beyresmi wyımdarınıñ ökilderin mälimettendiru.
Jiında Europa Mädeniet jäne teologiya ortalığınıñ jetekşilerinen professor Edrian Zenz, halıqaralıq adam qwqıqtarın qorğaumen aynalısatın «Human Right s Watch» wyımınıñ ökili Djon Fişer söz söyledi. Al Germaniyadan qatısqan Ömirhan Altın Qıtaydağı qazaqtardıñ bastan keşip jatqan tauqımetin, qıtay zwlmatın jäne sondağı qandastarımızdıñ jazıqsız türmege qamalıp jatqanın jiınğa qatısuşılarğa tüsindirip, zalda otırğan Qıtay ükimetiniñ resmi ökildigine qaratıp ayttı.
Sonday-aq Ömirhan Altın öz bayandamasında kezdesuge qatısqan diplomattar men halıqaralıq wyımdardıñ ökilderine Şığıs Türkistandağı, Şıñjañdağı qazaqtardıñ jüz mıñdap jappay konslagerlerge qamalıp, adam köngisiz qorlıqqa, qudalauğa tap bolıp jäne Qıtay biliginiñ adam qwqıqtarın ayausız taptap jatqanın jetkizdi.
Qıtay ükimetiniñ adam qwqıqtarın taptap, azap körsetuine halıqaralıq qauımdastıqtardıñ nazarı tüsken sätte ğana qandastarımızdıñ tağdırı retteledi degen ümit bar.
Ertaev qayta qamalğan küz: Raqımşılıq «zañsızdıq järmeñkesine» aynaldı ma?
Talğar tragediyası: Qızılqayrattağı qılmısqa qatıstı jeti is qozğaldı
Qızılordadağı №60 mekemeden hat: Qamaudağı Duman Mwhametkärim qauipsizdik swraydı
Talğardağı qandı oqiğa: İİM-ge joldanğan saual jäne qoğam kütken jauap
Talğarda tağı da qandı oqiğa. Policiyanıñ jauapsızdığı ma, jüyelik dağdarıs pa?
Qayrat Qojamjarovqa qatıstı tergeu: Nazarbaev däuiriniñ ıqpaldı şeneunigine kezek keldi
