Photo: Akorda

Kezdesu barısında Memleket basşısına Parlamenttiñ joğarı palatasınıñ VI şaqırılımı üşinşi sessiyasınıñ negizgi qorıtındıları men aldağı sessiyada qarastıratın zañ jobaları jwmıstarınıñ josparı bayandaldı, dep habarlaydı QR Prezidentiniñ resmi saytı.

Elbası aldağı sessiyada ekonomika salasına qatıstı auqımdı zañ jobaların jäne birqatar halıqaralıq qwjattardı qarastıru josparlanıp, köptegen zañnamalıq bastamalar äzirlep jatqanın mälimdedi.

Öz kezeginde, Qasım-Jomart Toqaev ötken sessiyasınıñ qorıtındısı boyınşa Senat deputattarı salıq, kedendik retteu, byudjettik basqaru jäne basqa da salalarğa qatıstı 84 zañ qabıldağanın mälimdedi.

Qazaqstan Prezidenti Kaspiy teñiziniñ qwqıqtıq märtebesin anıqtau jönindegi Konvenciyanı ratifikaciyalauğa baylanıstı ötken Kaspiy mañı memleketteriniñ Besinşi sammitiniñ nätijelerine arnayı toqtaldı.

"Bes memlekettiñ basşıları 20 jıl boyı talqılağan Kaspiy teñiziniñ Konvenciyasına qol qoydı. Aqtau qalası men Mañğıstau oblısın odan äri damıtuğa, öñirde jaña jwmıs orındarın aşıp, qızmet körsetu jäne turizm salaların ilgeriletuge septigin tigizetin bwl şeşimniñ zor mañızın bükil halıqaralıq sarapşılar atap körsetude", – dedi Memleket basşısı.

“The Qazaq Times”