كەزدەسۋ بارىسىندا مەملەكەت باسشىسىنا پارلامەنتتىڭ جوعارى پالاتاسىنىڭ VI شاقىرىلىمى ءۇشىنشى سەسسياسىنىڭ نەگىزگى قورىتىندىلارى مەن الداعى سەسسيادا قاراستىراتىن زاڭ جوبالارى جۇمىستارىنىڭ جوسپارى باياندالدى، دەپ حابارلايدى قر پرەزيدەنتىنىڭ رەسمي سايتى.

ەلباسى الداعى سەسسيادا ەكونوميكا سالاسىنا قاتىستى اۋقىمدى زاڭ جوبالارىن جانە بىرقاتار حالىقارالىق قۇجاتتاردى قاراستىرۋ جوسپارلانىپ، كوپتەگەن زاڭنامالىق باستامالار ازىرلەپ جاتقانىن مالىمدەدى.

ءوز كەزەگىندە، قاسىم-جومارت توقاەۆ وتكەن سەسسياسىنىڭ قورىتىندىسى بويىنشا سەنات دەپۋتاتتارى سالىق، كەدەندىك رەتتەۋ، بيۋدجەتتىك باسقارۋ جانە باسقا دا سالالارعا قاتىستى 84 زاڭ قابىلداعانىن مالىمدەدى.

قازاقستان پرەزيدەنتى كاسپي تەڭىزىنىڭ قۇقىقتىق مارتەبەسىن انىقتاۋ جونىندەگى كونۆەنتسيانى راتيفيكاتسيالاۋعا بايلانىستى وتكەن كاسپي ماڭى مەملەكەتتەرىنىڭ بەسىنشى ءسامميتىنىڭ ناتيجەلەرىنە ارنايى توقتالدى.

"بەس مەملەكەتتىڭ باسشىلارى 20 جىل بويى تالقىلاعان كاسپي تەڭىزىنىڭ كونۆەنتسياسىنا قول قويدى. اقتاۋ قالاسى مەن ماڭعىستاۋ وبلىسىن ودان ءارى دامىتۋعا، وڭىردە جاڭا جۇمىس ورىندارىن اشىپ، قىزمەت كورسەتۋ جانە تۋريزم سالالارىن ىلگەرىلەتۋگە سەپتىگىن تيگىزەتىن بۇل شەشىمنىڭ زور ماڭىزىن بۇكىل حالىقارالىق ساراپشىلار اتاپ كورسەتۋدە", – دەدى مەملەكەت باسشىسى.

“The Qazaq Times”