Qazaqstanda 80-nen astam şeteldik telearnalardıñ tirkeu turalı kuälikteri qaytarılıp, el aumağında habar taratuı toqtatıldı, dep habarlaydı QR Aqparat jäne kommunikaciyalar ministrligi

«Teledidar jäne radio habarların taratu turalı» Qazaqstan Respublikasınıñ Zañına engizilgen özgertulerge säykes Qazaqstan Respublikasınıñ aumağında habar taratatın barlıq şeteldik tele jäne radioarnalar osı Zañ qoldanısqa engizilgen künnen bastap altı ay işinde QR aumağında zañdı twlğanı tirkeuge mindetti.

2018 jıldıñ basınan bastap Ministrlik öz ökildikterin aşpağan, şeteldik tele jäne radioarnalardıñ ielerimen öz qızmetin Qazaqstan zañnaması talaptarına säykestendiru qajettiligi turalı aqparattıq-tüsindiru jwmıstarın jürgizgen bolatın.

Qazaqstan aumağında habar taratuın jalğastıruğa qızığuşılıq tanıtatın şeteldik tele jäne radioarnalar öz ökildikterin aşıp, qaytadan tirkeuge twruı qajet.

Qazaqstan Respublikası aumağında öz ökildikterin aşpağan 88 telearnanıñ tizimi ministrlik saytında jariyalanğan.

Ministrlik atalğan arnalardıñ el aumağında habar taratuın toqtatudı qarastıratın bwyrıq äzirledi», - dep jazdı QR Aqparat jäne kommunikaciyalar ministri Däuren Abaev Facebook-te.

“The Qazaq Times”