Foto: avim.org.tr

Süriya prezidenti Başar Asad reseylik äskerilerdiñ Süriya territoriyasınan jaqın uaqıtta şığarılmaytının mälimdedi. Aqparat qwraldarına bergen swhbatında ol, Reseydiñ äskeri twrğıdan kiligui tek terrorizmmen küresu üşin ğana emes, Tayau Şığıstağı sayasi tepe-teñdikti saqtau üşin de kerek ekenin aytqan. Bwl turalı Bi-Bi-Si agenttiginñ francuz redakciyası habarlaydı.

«Resey Federaciyasınıñ qarulı küşteri bizdiñ aymaqtı aytpağannıñ özinde, Tayau Şığıstağı balanstı saqtau twrğısınan öte mañızdı. Olardıñ bizdi territoriyamızdağı äreketteri älemdegi sayasi tepe-teñdik özgermeyinşe mañızdı bolıp qala bermek», - dep jazadı agenttik, Başar Asadtıñ sözine silteme jasap.

Süriya basşısı Mäskeu men Şamnıñ (Damask) «endi tağı 40 jıldam astam» uaqıt paydalanılatın Hmeymimedegi bazağa Resey äskerin ornalastıru turalı kelisimşartqa qol qoyğandarın da tilge tiek etken.  Eske sala ketsek, Resey Federaciyası Süriyadağı azamattıq soğısqa 2015 jıldıñ qırküyek ayında aralastı. Ol Asad rejimine qoldau körsetip keledi.

“The Qazaq Times”