فوتو: avim.org.tr

ءسۇريا پرەزيدەنتى باشار اساد رەسەيلىك اسكەريلەردىڭ ءسۇريا تەرريتورياسىنان جاقىن ۋاقىتتا شىعارىلمايتىنىن مالىمدەدى. اقپارات قۇرالدارىنا بەرگەن سۇحباتىندا ول، رەسەيدىڭ اسكەري تۇرعىدان كيلىگۋى تەك تەرروريزممەن كۇرەسۋ ءۇشىن عانا ەمەس، تاياۋ شىعىستاعى ساياسي تەپە-تەڭدىكتى ساقتاۋ ءۇشىن دە كەرەك ەكەنىن ايتقان. بۇل تۋرالى بي-بي-سي اگەنتتىگىنڭ فرانتسۋز رەداكتسياسى حابارلايدى.

«رەسەي فەدەراتسياسىنىڭ قارۋلى كۇشتەرى ءبىزدىڭ ايماقتى ايتپاعاننىڭ وزىندە، تاياۋ شىعىستاعى بالانستى ساقتاۋ تۇرعىسىنان وتە ماڭىزدى. ولاردىڭ ءبىزدى تەرريتوريامىزداعى ارەكەتتەرى الەمدەگى ساياسي تەپە-تەڭدىك وزگەرمەيىنشە ماڭىزدى بولىپ قالا بەرمەك»، - دەپ جازادى اگەنتتىك، باشار اسادتىڭ سوزىنە سىلتەمە جاساپ.

ءسۇريا باسشىسى ماسكەۋ مەن شامنىڭ (داماسك) «ەندى تاعى 40 جىلدام استام» ۋاقىت پايدالانىلاتىن حمەيميمەدەگى بازاعا رەسەي اسكەرىن ورنالاستىرۋ تۋرالى كەلىسىمشارتقا قول قويعاندارىن دا تىلگە تيەك ەتكەن.  ەسكە سالا كەتسەك، رەسەي فەدەراتسياسى سۇرياداعى ازاماتتىق سوعىسقا 2015 جىلدىڭ قىركۇيەك ايىندا ارالاستى. ول اساد رەجيمىنە قولداۋ كورسەتىپ كەلەدى.

“The Qazaq Times”