Foto: Vesti Ekonomika

Qıtaydıñ eksport-importtıq banki Qazaqstanğa tas jol qwrılısın jürgizuge 730 mln dollar köleminde nesie berudi josparlap otır.

Qazaqstan Respublikası Ükimetiniñ qaulısına säykes, Qarjı ministrligine «Astana-Qarağandı-Balqaş-Kürti-Qapşağay-Almatı» «Qarağandı-Bwrılbaytal», «Qarağandı-Balqaş» tas jolınıñ «Ortalıq-Oñtüstik» dälizin qayta salu» jobası boyınşa Qıtaydıñ eksport-importtıq bankine «QazAvtoJol» Wlttıq kompaniyası» akcionerlik qoğamınıñ 727 mln. 212 mıñ dollar kölemindegi zaemına memlekettik kepildik qwjattarın dayındap, wsınu tapsırılğan.

Jalpı, Qazaqstannıñ sırtqı qarızı 2016 jıldıñ jeltoqsan ayındağı körestkiş boyınşa 163 758 milliard dollardı qwrağan. Onıñ işinde Niderlandığa 47,3 milliard dollar, Wlıbritaniyağa 24, 6 milliard dollar, AQŞ-qa 12,9 milliard dollar, Qıtayğa 12,6 milliard dollar, Franciyağa 11,7 milliard dollar qarız.

Biraq däl osı memleketterdiñ birqatarı Qazaqstanğa qarız. Atap aytqanda AQŞ 54,9 milliard dollar, Niderlandı 20,5 milliard dollar, Wlıbritaniya 16 milliard dollar, Resey 7,5 milliard dollar, Germaniya 4,4 milliard dollar bizdiñ elimizge qarız. Jalpı, 2016 jıldıñ qorıtındısı boyınşa, özge elderdiñ Qazaqstan aldındağı bereşegi 169, 4 milliard dollar bolğan.

“The Qazaq Times”