2018 jıldıñ 13-15 şilde künderi,  Petropavl qalasında, Segiz seri Bahramwlınıñ 200 jıldığına oray «Er Jänibek» halıqaralıq qoğamdıq qorı men Soltüstik Qazaqstan oblısınıñ äkimdiginiñ wyımdastıruında, düniejüzi qazaq jastarı arasında şağın futboldan dästürli «ER JANIBEK CUP-2018» turniri ötedi.

Şaranıñ bastı maqsatı – älem qazaq jastarınıñ basın qosu, olardıñ arasındağı tüsinikti arttırıp, atameken – Qazaqstanğa degen süyispenşiligin tereñdetu.

Kezekti turnirge Franciya, Germaniya, Italiya, Türkiya, Qıtay, Resey, Moñğoliya, Iran, Özbekstan jäne Qırğızstandağı etnikalıq qazaq jastarınan qwralğan komandalar men Qazaqstannıñ är oblısınan kelgen şağın futbol komandaları qatısadı.

Jalpı jülde qorı 2 million teñgeni qwraydı. 1-şi orınğa "ER JANIBEK CUP" kuboki jäne 1 mln. teñge, 2-şi orınğa 500 mıñ teñge, 3-şi orınğa 300 mıñ, 4-şi orınğa 200 mıñ teñge köleminde jülde tağayındalğan.

«Er Jänibek» halıqaralıq qoğamdıq qorı men Soltüstik Qazaqstan oblısınıñ äkimdigi älemniñ är tükpirindegi qazaq jastarın Petropavl qalasında ötetin «ER JANIBEK CUP-2018» turnirine şaqıradı. Sonımen birge, barlıq qazaq tildi BAQ ökilderin älemdegi qazaq jastarınıñ basın qosatın igilikti şarağa aqparattıq qoldau körsetuin swraydı.

“The Qazaq Times”