2018 جىلدىڭ 13-15 شىلدە كۇندەرى،  پەتروپاۆل قالاسىندا، سەگىز سەرى باحرامۇلىنىڭ 200 جىلدىعىنا وراي «ەر جانىبەك» حالىقارالىق قوعامدىق قورى مەن سولتۇستىك قازاقستان وبلىسىنىڭ اكىمدىگىنىڭ ۇيىمداستىرۋىندا، دۇنيەجۇزى قازاق جاستارى اراسىندا شاعىن فۋتبولدان ءداستۇرلى «ER JANIBEK CUP-2018» ءتۋرنيرى وتەدى.

شارانىڭ باستى ماقساتى – الەم قازاق جاستارىنىڭ باسىن قوسۋ، ولاردىڭ اراسىنداعى تۇسىنىكتى ارتتىرىپ، اتامەكەن – قازاقستانعا دەگەن سۇيىسپەنشىلىگىن تەرەڭدەتۋ.

كەزەكتى تۋرنيرگە فرانتسيا، گەرمانيا، يتاليا، تۇركيا، قىتاي، رەسەي، موڭعوليا، يران، وزبەكستان جانە قىرعىزستانداعى ەتنيكالىق قازاق جاستارىنان قۇرالعان كوماندالار مەن قازاقستاننىڭ ءار وبلىسىنان كەلگەن شاعىن فۋتبول كوماندالارى قاتىسادى.

جالپى جۇلدە قورى 2 ميلليون تەڭگەنى قۇرايدى. 1-ءشى ورىنعا "ER JANIBEK CUP" كۋبوكى جانە 1 ملن. تەڭگە، 2-ءشى ورىنعا 500 مىڭ تەڭگە، 3-ءشى ورىنعا 300 مىڭ، 4-ءشى ورىنعا 200 مىڭ تەڭگە كولەمىندە جۇلدە تاعايىندالعان.

«ەر جانىبەك» حالىقارالىق قوعامدىق قورى مەن سولتۇستىك قازاقستان وبلىسىنىڭ اكىمدىگى الەمنىڭ ءار تۇكپىرىندەگى قازاق جاستارىن پەتروپاۆل قالاسىندا وتەتىن «ER JANIBEK CUP-2018» تۋرنيرىنە شاقىرادى. سونىمەن بىرگە، بارلىق قازاق ءتىلدى باق وكىلدەرىن الەمدەگى قازاق جاستارىنىڭ باسىن قوساتىن يگىلىكتى شاراعا اقپاراتتىق قولداۋ كورسەتۋىن سۇرايدى.

“The Qazaq Times”