«Deni sau wrpaq - jarqın bolaşaq». Bwl - «Twran Sport Grup» wjımınıñ tu qılıp kötergen wranı. Jay ğana wran emes. Wjım soğan say jwmıs atqarıp keledi. Sonıñ bir däleli - Türkistan oblısı, Tülkibas audanına qarastı Sastöbe kentinde boy kötergen «Er Jänibek» batır atınağı şınıqtıru-sauıqtıru sport keşeni.

Atalğan ğimarattıñ sport künine oray lentası qiılıp, aşılu räsimi ötti. Saltanattı şarağa audan jwrtı köp jinaldı. Halıqtıñ quanışında şek joq. Äsirese, el erteñi jetkinşekterdiñ jüzi baqıttan bal-bwl janadı. Öytpey şe, audanda boy kötergen alıp sport keşeni talay balanıñ armanına qanat bitirip, qiın da qızıqtı sport jolına keñ esik aşqan edi.

Qwnı jartı milliardqa juıq qarjını qwraytın sport keşeni Türkistan  oblıstıq  dene  şınıqtıru jäne  sport  basqarması men  Tülkibas  audanı  äkimdigi,  sonımen  qatar, «Twran sport Grupp» kompaniyasımen üş  jaqtı  kelisimniñ  nätijesinde  salınğan. Al şın mäninde keşenniñ barlıq qarjısın köterip, "Tuğan jerge tuıñdı tik" bağdarlaması arqılı salğan azamat, käsipker, «Twran sport Grupp» qwrıltayşısı Esbol Äuesbekwlı Qambarov mırza.

Sport keşeni 240 adamğa arnalğan. Şınıqtıru-sauıqtıru ortalığı dep sanalatın ğimaratta boks, dzyudo, üstel tennisi, basketbol, erkin küres tağı basqa sport türlerimen erkin aynalısuğa boladı. Sportşılardıñ kiim auıstıru, juınu sekildi qajettilikterine ıñğaylı jağday jasalğan. Sonday-aq, bapkerler men medbikelerge arnalğan bölmeler de eskerusiz qalmağan. Osı mindetti moynına alğan «Twran sport Grupp» kompaniyası qwrılıstı belgilengen 11 ayda emes, odan erte 9 ayda bitirip, paydalanuğa bergen.

Ğimarattıñ aşıluı jas sportşılardı jeñis jolına bastaytın jarıs qorıtındısın jariyalau räsimimen twspa-tws keldi. Bokstan 10 salmaq boyınşa sınğa tüsken 80-ge juıq bılğarı qolğap bahadürleri baq sınadı. Jeñimpazdarı jüldeli orınğa köterildi. Turinrdiñ bas  töreşisi Bayqadam Omarovtıñ  aytuınşa, jeñimpaz sportşılar endigi kezekte  respublikalıq  jarısqa  joldama  aladı eken. Bayqağanımızday, jeñis twğırına köterilgen boksşı balalardıñ deni "Er Jänibek" soprt keşeni atınan tüskeni añğarılıp twrdı...

Saltanattı şaranıñ aşıluına Düniejüzi qazaqtarı qauımdastığı törağasınıñ birinşi orınbasarı Zauıtbek Twrısbekov, oblıstıq dene şınıqtıru jäne sport basqarmasınıñ basşısı Bolat Qırıqbaev, KSRO-nıñ sport şeberi, QR eñbek siñirgen jattıqtıruşısı Mahambet Saparbaev, ğalım, türkolog Qarjaubay Sartqoja, "Er Jänibek" halıqaralıq qoğamdıq qorınıñ prezidenti Jeñis Türkiya, atalğan qordıñ soltüstik öñir boyınşa vice-prezidenti Tolqın Aqan jäne Tülkibas audanınıñ äkimi Nwrbol Twrşabekov qatarlı qwrmetti qonaqtar qatıstı.

"Er Jänibek batır babamız Abılay han zamanında eren erlik körsetken, elge twtqa, jerge qorğan bolğan twlğa. Ol Qabanbay, Bögenbay, Twrsımbay jäne basqa qazaq batılarımen birge halqımızdıñ wlı küresterinde tu wstap, aldıñğı şepte jürgen qolbasşı. Sondıqtan, Tülkibas jerinde salınatın osı sport keşenimizge batırdıñ atın beru turalı obılısqa, audanğa ötiniş hat jazdıq. Ol kisiler kelisim berip, keşen batır babamızdıñ atımen ataldı. Bwl biz üşin ülken merey. Osınday wlı twlğalardıñ, bahadür babalarımızdıñ ruhı qoldap, sport ortalığınan eldiñ atın aspanatıp, älem arenalarında tuın köterer talay jeñimpaz sportşıla şığadı degen senimdemiz" - deydi Esbol Qambarovm mırza.

"Er Jänibek" halıqaralıq qoğamdıq qorı tarapınan keşenge batırdıñ arnayı salınğan kartinası tartu etildi, sonday-aq, jeñimpaz sportşılardıñ moynına batır atındağı medal'dar tağıldı, qor arqılı şığarılğan kitap-jurnaldar ülestirildi. Al, Esbol Qambarovqa Qor prezidenti Jeñis Türkiya qazaqtıñ tağı bir dañıqtı wlı, qolbasşısı Bauırjan Momışwlı atındağı "Namıs" ordenin tabıs etti.

Ayta keteyik, bwl sport keşeni - Esbol Qambarov mırza basqaratın wjım salğan ekinşi sport keşeni. Üşinşi ğimarattıñ da qwrılısı jürip jatqanın bilip, keudemizdi rizalıq sezimi biledi. Wlt salauatın, wrpaq saulığın tu etken osınday azamattardıñ barı quanttı.  Er elin oylağan, eli tarihi twlğaların tügendep, bereke-birlikte wyısqan osınday igi şaralar köp bola bersin degen tilekten basqa aytarımız joq.

Mwrat Almasbek

"The Qazaq Times"