Foto: Naked-science

AQŞ-ta «Zamvoltqa» wqsas üşinşi  esminectiñ aşılu räsimi ötti. Jaña USS B7Johnson (DDG-1002) kemesi amerikalıq flottıñ qatarına 2018 jılı engiziledi dep josparlanğan. Bwl turalı Naked-science  habarladı.

Aşılu räsimi, negizinen, 2017 jıldıñ 30 qañtarında jabıq türde ötken.

Atalmış kemeniñ jasaluı stels tehnologiyasımen jüzege asqandıqtan, esminec kemeler tarihında eñ quatı küşti keme retinde körsetilip otır. «Zamvolt» kemesiniñ erekşeligi onıñ ülken bolğanımen,  asa qattı bayqala bermeytindiginde jäne quattılığında.

"Zamvolt". Foto: naked-science

Bastı küşi – 80 raketalıq «Tomagavk», ASROC  nemese  ESSM. Bortta 155-mm AGS  artilleriyalıq  qwrılğınıñ  aktivti-reaktivti sheması bar. Ol basqarılatın snaryadtar arqılı 148 kilometr qaşıqtıqqa ottı  da jetkize aladı. Äzirge tehnologiya «şiki», yağni tolıq dayın bolmağandıqtan, AQŞ täuekel jasay qoymadı.  Sebebi, bwl jerde qarjılandıru da bir mäselege aynalıp otır.

Jalpı, «Zamvolt» atalatın esminecterdiñ bir kemşiligi – onıñ qımbattılığı. Eñ alğaşqı kemeleriniñ özi 4,4 milliard AQŞ dollarına bağalanğan. Al 2016 jılı üş esminecterdiñ qwrılıs jwmıstarınıñ programmasına 22,5 milliard AQŞ dolları qajet bolğan. Bwl – az qarajat emes.

Degenmen, jospar boyınşa, bwl üşinşi keme 2018 jılı qoldanısqa jäne amerikalıq flottıñ qwramına engizilmek.

«The Qazaq Times»